生殖系統

出自維基百科,自由嘅百科全書
跳去: 定向搵嘢
男人嘅生殖系統

生殖系統生物主要負責生殖嘅系統,唔同性別嘅生物嘅生殖系統會明顯唔同。生殖系統嘅器官叫生殖器官。

人嘅生殖器官[編輯]

生殖器官,準確啲講,係指喺複雜生物體上任何同有性繁殖同埋組成生殖系統有關嘅組織(嚴格意義上,唔一定都屬於器官)。人類同大部分哺乳動物嘅生殖器官主要有:

另外有相關嘅性器官一詞,廣義係指會帶來性快感嘅器官。生殖腺係指產生配子嘅器官。喺人類身上係指睾丸卵巢

發育[編輯]

雌雄兩性嘅生殖器官係來自同一組來源。

喺受孕幾星期之後,雌雄兩性胚胎嘅生殖器官喺解剖學上都一樣(雖然性染色體唔同),基本上類似雌性嘅生殖器官,擁有一對「泌尿生殖皺摺」,中間有一細凸起物,拱起物後有尿道。另外重有一對生殖腺喺體內。

喺一般人類胚胎嘅發育過程中,(位於雄性染色體嘅)SRY基因會令生殖腺發育為睾丸,冇SRY基因生殖腺就會發育為卵巢。之後,內生殖器外生殖器嘅發育係由某啲胚胎生殖腺分泌嘅荷爾蒙決定。如果生殖腺發育為睾丸,而細胞亦對睾脂酮有反應,外側皺摺會腫起,中線會融合以形成陰囊。隆起物會長大變直形成陰莖,皺摺內側會包住陰莖,中線會融合以形成陰莖尿道。出世後睾丸會下降入陰囊。如果生殖腺發育為卵巢,另外一套過程會形成雌性內外生殖器。

以上一般過程中出現特殊變化,就會形成程度不一嘅雌雄同體現象。

之後喺青春期,生殖器官重會有規模較小嘅發育。