跳去內容

出自維基百科,自由嘅百科全書
(由雌性跳轉過嚟)

粵拼naa2),又叫雌性粵拼ci1 sing3),係講有性生物一方,佢哋會做卵細胞(產卵生蛋),卵細胞係大啲嘅生殖細胞。要繁殖,乸通常係唔可以少咗。冇單一基因決定生物係公定乸,而喺進化嘅過程,兩性獨立咁出現過好幾次。

定義[編輯]

一隻大咗肚嘅
睇埋:卵子配子

生物學上,可以以配子定義,係繁殖過程當中供應卵子(大粒啲嘅配子)嗰一方。

特徵[編輯]

兩隻孔雀乸;孔雀呢種動物,啲乸顏色冇公咁鮮艷,事實係好多雀鳥都係噉。

動物界,乸擇偶嗰陣通常都揀擇啲。

查理斯·達爾文發覺近乎一切嘅動物物種都有一種情況:乸硬係性慾冇公咁強[1]

喺 1948 年,有生物學家做咗一場實驗:佢哋發覺一隻果蠅公配偶愈多,生到嘅後代就愈多;相比之下,乸就冇噉嘅情況—就算一隻乸配偶好多,佢生到嘅後代數量都唔會點升—乸嘅配子(卵子)明顯大粒過公嘅(精子),噉就表示對身體嚟講,生產卵子(同生產精子比起嚟)消耗嘅資源更多,而且乸往往要花好多時間陀仔,陀仔期間隻乸冇得繁殖;公生產後代嘅能力唔受呢種限制。因此,公比較有誘因靠住「盡力搵乸交配,交配次數有咁多得咁多」嘅策略嚟行動,而乸繁殖機會有限,對配偶會比較揀擇,偏向揀高質素數量少嘅伴侶,亦會投注更多資源落去每個後代嗰度[1]

一隻蜂后喺度生蛋。

蜂后:一世係噉勁生蛋嘅乸
一個典型嘅蜜蜂群係由蜂后統治嘅。一隻蜂后通常都係佢所屬嗰個蜜蜂竇入面所有蜜蜂嘅阿媽,無論喺生理、形態定行為上都同普通嘅蜜蜂好唔同—佢大隻啲,唔識生產蜂蠟;最緊要嘅係,一隻蜂后有一組有生殖能力嘅卵巢,同埋具有可以用嚟儲起啲精子嘅結構。一隻準蜂后會同好多隻(屬於第啲群嘅)蜜蜂公交配。交配咗之後,一隻完全成熟嘅蜂后每日生到成 2,000 粒卵咁多。為咗等自己可以專心產卵,隻蜂后會釋放一啲特殊嘅費洛蒙,指揮同控制啲工蜂做嘢[2]

睇埋[編輯]

參考[編輯]

以下係呢篇文引用咗嘅學術文獻或者網頁

  1. 1.0 1.1 Brown, G. R., Laland, K. N., & Mulder, M. B. (2009). Bateman's principles and human sex roles. Trends in ecology & evolution, 24(6), 297-304.
  2. Hadisoesilo, Soesilawati. "The Comparative Study of Two Species of Cavity-Nesting Honey Bees of Sulawesi, Indonesia."