生金蛋嘅鵝
《生金蛋嘅鵝》（英文：The Goose that Laid the Golden Eggs ）係《伊索寓言》裏邊嘅故仔。呢個故事講到主角有一隻識得生金蛋嘅神鵝，但係佢哋出於貪念而做嘅行為，令到佢哋最後後悔莫及。
情節
[編輯]從前有兩公婆。佢哋養咗一隻神鵝，神鵝每日會生一隻金蛋，但係佢哋覺得一日得一隻金蛋太少，於是就決定要劏開隻鵝，即刻攞晒佢肚裏面啲金蛋出嚟，諗住噉做會發達。跟住佢哋手起刀落劏開咗隻鵝，不過原來隻鵝肚裏面一隻金蛋都冇，佢哋非常之後悔，隻鵝死咗冇得翻生，就再冇金蛋。
如果佢哋當初諗清楚啲唔係咁貪心，雖然一日一隻金蛋數目少啲，都好過冇。
呢個故仔係要教訓啲人唔好咁貪心。