白色強人II

出自維基百科,自由嘅百科全書
跳去導覽 跳去搵嘢

白色強人II》(英文Big White Duel II)係香港電視廣播有限公司優酷製作嘅時裝醫療電視劇。呢套劇係《白色強人》嘅續集,由郭晉安馬國明陳豪胡定欣唐詩詠張曦雯領銜主演,並由蔣志光韋家雄徐肇平姜麗文張達倫劉溫馨聯合演出,監製羅永賢。呢套劇喺2020年11月開拍,喺2021年4月煞青,2022年6月22號喺優酷首播同喺TVB Anywhere上架,7月25號21:30喺翡翠台首播。

故仔大鋼[編輯]

明成北醫院喺院長楊逸滔(郭晉安飾)同副院長唐明(馬國明飾)嘅領導下,急症室、心胸肺科、神經外科三個核心部門,每日都譜寫住拯救生命嘅醫患故事。逸滔希望推動全面開放藥物名冊,再唔會有人因為買唔起藥而等死,但係受到腫瘤科專家葉晴(胡定欣飾)嘅質疑。葉晴空降到明成北做院長,同逸滔分庭抗禮,點知葉晴被唐明嘅人格魅力同精湛醫術折服,但係唐明淨係在乎未婚妻,急症室醫生蘇怡(唐詩詠飾)。同時,有急症室同普通外科雙專業資格嘅李文信醫生(陳豪飾),由無國界醫生退役,加入明成北急症室,佢擅長處理種種奇難雜症,深得逸滔器重,但佢係逸滔女朋友呂靄寧醫生(張曦雯飾)嘅前任……

角色表[編輯]

明成北醫院[編輯]

演員 角色 暱稱/關係
郭晉安 楊逸滔 YT
院長/外科主管/神經外科部門主管兼顧問醫生/全面開放藥物名冊草案委員會召集人
呂靄寧嘅上司兼男朋友
唐明、李文信嘅好朋友
張庭嘅前夫
睇返白色強人
馬國明 唐 明 副院長/心胸肺外科部門主管兼顧問醫生
蘇怡嘅未婚夫
余㻣深、楊逸滔、李文信嘅好朋友
睇返白色強人
陳 豪 李文信 Vincent
急症室副顧問醫生/前世界醫護團醫生
有外科醫生執照
楊逸滔、唐明嘅好朋友
呂靄寧嘅前男友
胡定欣 葉 晴 醫院發展局港島東聯網總監/院長/腫瘤科部門主管兼顧問醫生
反對全面開放藥物名冊
楊逸滔嘅競爭對手
鍾意唐明
唐詩詠 蘇 怡 Zoe
急症室副顧問醫生
余湛琛嘅下屬兼好朋友
唐明嘅未婚妻
呂靄寧嘅好朋友
睇返白色強人
張曦雯 呂靄寧 Yan
神經外科副顧問醫生
楊逸滔嘅下屬兼女朋友
蘇怡嘅好朋友
李文信嘅前女友
睇返白色強人
蔣志光 余湛琛 琛哥
急症室部門主管兼顧問醫生
蘇怡嘅上司兼好朋友
唐明嘅好朋友
睇返白色強人
韋家雄 何秉光 Hugo
心胸肺外科副顧問醫生
唐明嘅下屬
徐肇平 阮振輝 輝仔
心胸肺外科駐院醫生
唐明嘅下屬
姜麗文 范慧珊 Rachel
心胸肺外科駐院醫生
唐明嘅下屬

其他演員[編輯]

演員 角色 暱稱/關係
張達倫 溫銘章 Martin
醫院發展局主席
劉溫馨 張 庭 TNN 新聞部總監
楊逸滔嘅前妻

出面網頁[編輯]

  • 白色強人II - 主頁 - tvb.com