盲視

盲視（blindsight）係一種現象，指一個腦能夠處理視覺訊息，但唔能夠有意識噉知道啲訊息嘅內容。盲視同視覺皮層（visual cortex；大腦皮層當中主管視覺嗰忽）嘅 V1 區零舍有關－有研究發現，視覺皮層 V1 區（因為中風等嘅原因）受損嘅病人好多時會（例如）能夠喺行路嗰陣避開自己身前嘅障礙物，但就唔能夠有意識噉講出自己眼前有啲乜（同時，佢哋喺語言能力上冇異常），即係話佢哋曉一定程度上對視覺訊息俾反應，但「睇唔到嘢」。