省善真堂
省善真堂係香港九龍區大規模嘅道觀之一，係慈善道佛宗教團體，喺九龍塘律倫街7-8號。「省善真堂中西醫診所」就喺九龍城賈炳達道。
史
[編輯]省善真堂嘅前身係喺1942年喺中國廣東東莞成立嘅「蓬瀛閣」，重設有「善寶善社」，係負責贈衣施食嘅慈善工作。第二次世界大戰之後搬嚟香港，1952年喺九龍深水埗營盤街成立咗「省善真堂」。1958年就俾華民政務司立案成為廟宇。1959年搬去譚公道。更喺1967年同1968年分別註冊成為「有限公司」同「非牟利道教慈善團體」。1970年搬去九龍塘律倫街八號，並喺1990年再買埋隔離七號，擴建至而家嘅規模。
省善真堂裏面設有三清正殿、文殊大殿、斗姆閣、鸞壇同觀音殿等。