知情同意（英文：informed consent）係廿一世紀初人類研究（指醫學同社科等用人嚟做對象嘅研究）上嘅一個概念，即係假設研究對象係大人，研究者要同研究對象講清楚份研究有啲咩風險，並且俾份文件佢哋簽，等佢哋表明自己「明白實驗嘅風險，肯接受呢樣風險」。
例如家陣想做場試新藥嘅實驗，研究者就要講明俾（通常用錢請返嚟嘅）受試者知佢哋試緊隻新藥，隻新藥可能會造成一啲危險，等受試者諗清諗楚確定先至決定係咪真係想參與實驗。
