石鏡泉
石鏡泉（英文：Arthur Shek Kang Chuen，1948年5月22號—），係《香港經濟日報》嘅創辦人之一，曾經做過該集團嘅執行董事、副社長兼研究部主管[1]，亦係香港著名股評人。佢喺2019年之前曾經喺香港電台主持電台節目。
背景[編輯]
石鏡泉生於廣華醫院，讀中學之前住喺旺角砵蘭街74號地下一間賣皮革嘅住家舖後面。讀初中時搬去上海街住，高中期間再搬去通菜街定居。石鏡泉屋企人喺砵蘭街嘅橫門檔經營熟食同埋包租上海街、窩打老道以及登打士街嘅樓宇生意。佢讀過道群小學（初小）、農圃道官立小學（高小）、伊利沙伯中學以及香港華仁書院，後來就讀香港大學，做過香港大學學生會幹事，1970年代，身為香港大學學生會評議會內務秘書嘅佢參與過保釣運動，講過「只有嗰啲敢對歷史負責嘅，至配得做『人』。嗰啲唔敢面對歷史嘅，只配做『狗』。冇香港警方批准，五一三保釣示威都要如常舉行，因為做一個坐監嘅人，總好過做一隻坐喺辦公室嘅狗。」。[2]
佢曾經從事貿易及製造業。佢主持過香港電台第一台逢星期六朝早09:20-11:00同鄺民彬主持嘅直播節目《投資新世代》，另外亦喺香港電台第二台《晨光第一線》有過「晨光大舊石」環節。[3]
政治立場[編輯]
石鏡泉係親中派人士，而家喺《經濟日報》撰寫《經濟與投資》專欄同埋《晴報》《石老師工作室》，撰寫專欄評論，當中有唔少評論係針對同批評泛民主派人士。佢亦曾經因為元朗恐怖襲擊事件前，煽動親中派對民主派示威者施行暴力嘅言論受到譴責，另外亦有少量傳媒人，形容佢係中共代理人[4]。
「優質報道毋須犯險」文章被指蔑視新聞專業[編輯]
2015年6月9號，佢喺《晴報》專欄發表題為「優質報道毋須犯險」嘅文章，內文質疑香港傳媒派記者去長江沉船同埋爆發新沙士嘅南韓，有冇新聞價值。壹傳媒工會發表題為「求真，必須走進現場」回應，提到除非資源有限，否則單靠轉載當地傳媒或國際通訊社嘅報道，會有可能礙於當地新聞自由嘅限制，或者有關新聞機構立場偏頗嘅問題，而影響新聞質素。關於文章提及嘅新聞，工會又指韓國係港人旅遊熱點，疫症爆發後，當地政府一直有限度咁發放訊息，連患者去咗邊間醫院都唔知，傳媒基於專業求真嘅精神，有責任蒐集第一手資料。工會又批評，石鏡泉嘅言論，係近乎誣衊嘅誇張評述，亦係對新聞工作者專業精神嘅蔑視[5][6]。
元朗襲擊事件前夕鼓吹暴力對待反對逃犯條例修訂示威者[編輯]
喺2019年，香港陷入逃犯條例爭議。去到7月20號，石鏡泉喺添馬公園舉行嘅一個，高調呼籲親中派支持者買藤條、塑膠水喉通等武器去對付反逃犯條例修訂嘅示威者，好多親中派參加者即場叫好[7]。佢又話示威活動受美國惡意煽惑，行動者收受利益「亂中亂港」，形容香港現狀係「美國佬想中國死」，警告唔可以姑息丟磚塊、鐵枝嘅人[8]。
第二日，就發生咗懷疑由有黑社會背景人士發起嘅恐怖襲擊事件，佢哋喺元朗站以藤條、鐵通襲擊手無寸鐵嘅市民，45人受傷，有唔少人就質疑，施襲者係咪被石氏嘅言論所煽動[9]。
7月22號，《經濟日報》過百名記者對石嘅煽惑暴力言論深表震驚同極度遺憾，發聯署聲明促請石收回言論[8][10]。《經濟日報》之後發聲明同石鏡泉「割席」，話佢嘅言論純屬個人意見。[11]當晚，石鏡泉發表道歉聲明撤回言論。[12]持股6%之David Webb向公司表示將於股東大會動議要求石鏡泉辭職[13]。因應事件，有網民發起葛經濟日報集團旗下刊物[14]。
去到7月23號，石鏡泉辭任執行董事同埋《香港經濟日報》副社長嘅職位，但仍然繼續擔任財經專欄作家[15]。另外，喺同一日之後，石鏡泉冇再喺香港電台開咪。
政界唔同人士之後都有要求警察跟進石鏡泉嘅言論。例如，公民黨立法會議員郭家麒喺7月26號去咗灣仔警察總部報案，除咗要求調查事件本身，亦要求徹查石鏡泉嘅言論[16]。另外，去到2020年6月，民主黨立法會議員林卓廷亦去信鄧炳強，舉報石鏡泉同何君堯涉及呢次嘅恐怖襲擊事件。林卓廷又批評，警察遲遲唔調查或檢控佢哋兩個，質疑警察係咪雙重標準寬鬆處理涉及撐警人士嘅嚴重罪案，甚至包庇、縱容有關涉嫌違法言行[17]。
著作[編輯]
- 石鏡泉. 《《香港股票投資指南 95/96》》. 經濟日報出版社(香港). ISBN 96267800003.
{{cite book}}: Check|isbn=value: length (help) - 石鏡泉. 《《香港股票投資指南 96/97》》. 經濟日報出版社(香港). ISBN 9626780134.
- 石鏡泉. 《《香港股票投資指南 98/99》》. 經濟日報出版社(香港). ISBN 96267800004.
{{cite book}}: Check|isbn=value: length (help) - 石鏡泉 (1998). 《《投資啟示錄》》. 經濟日報出版社(香港). ISBN 9626780312.
- 石鏡泉 (2000). 《《新世紀股票及網上投資指南2000-2001－2 藍、紅籌、國企、創業板、Nasdaq股份》》. 經濟日報出版社(香港). ISBN 962678069X.
- 石鏡泉 (2000). 《《新世紀股票及網上投資指南2000-2001－3 其他股份》》. 經濟日報出版社(香港). ISBN 9626780703.
- 石鏡泉 (2001). 《《低息時代投資法》》. 經濟日報出版社(香港). ISBN 9626780851.
- 石鏡泉 (2001). 《《新投資時代》》. 經濟日報出版社(香港). ISBN 962678072X.
- 石鏡泉 (2002). 《《股票及強積金投資指南 2001-2002》》. 經濟日報出版社(香港). ISBN 9626781068.
- 石鏡泉 (2003). 《《股票及強積金投資指南2002-2003》》. 經濟日報出版社(香港). ISBN 9626781459.
- 石鏡泉 (2003). 《《新投資時代【全新修訂第二版】》》. 經濟日報出版社(香港). ISBN 9626781726.
- 石鏡泉 (2004). 《《石老師揀股秘笈》》. 經濟日報出版社(香港). ISBN 9626782080.
- 石鏡泉 (2005). 《《石老師投資新招》》. 經濟日報出版社(香港). ISBN 9626782781.
- 石鏡泉 (2006). 《《股票通、石鏡泉投資智慧》》. 經濟日報出版社(香港). ISBN 9799626783138.
- 石鏡泉 (2007). 《《石Sir投資教室》》. 經濟日報出版社(香港). ISBN 9789626784679.
參考[編輯]
- ↑ 〈石鏡泉辭任經濟日報副社長及集團執董 即時生效〉. 原著喺2019-07-24歸檔. 喺2019-09-24搵到.
- ↑ 香港專上學生聯會
- ↑ 〈【無警時分】石鏡泉向《晨光第一線》請假 港台高度關注主持形象〉. 《蘋果日報 (香港)》 (中文). 2019-07-22. 原著喺2021-03-03歸檔. 喺2021-03-03搵到.
- ↑ 〈程曉容：中共代理人海外行不義 下場可悲〉. 《大紀元時報 香港｜獨立敢言的良心媒體》 (香港中文). 喺2021-03-03搵到.
- ↑ 石鏡泉質疑現場報道價值 壹工會斥蔑視專業 互聯網檔案館嘅歸檔，歸檔日期2015年6月12號，. 2015-06-09 蘋果日報 (香港)
- ↑ 〈壹工會批石鏡泉「優質報道毋須犯險」論：對新聞工作者專業精神的蔑視 (21:53) - 20150609 - 港聞〉. 《明報新聞網 - 即時新聞 instant news》 (繁體中文). 喺2021-03-03搵到.
- ↑ 〈石鏡泉發道歉聲明撤回「教仔」論〉. 《now新聞台》 (中文). 2019-07-22. 原著喺2020-08-26歸檔. 喺2019-07-22搵到.
- ↑ 8.0 8.1 〈《經濟》逾百記者聯署批指鹿為馬 石鏡泉道歉：撤回「藤條水喉通教仔」論〉. 《蘋果日報》. 2019-07-22. 原著喺2019-07-22歸檔. 喺2019-07-22搵到.
- ↑ 〈《經濟日報》副社長石鏡泉 上周六守護香港集會曾稱：教仔要用藤條及水喉通〉. 《香港獨立媒體網》. 原著喺2019-07-22歸檔. 喺2019-07-22搵到.
- ↑ 〈一批經濟日報員工聯署促石鏡泉收回煽惑暴力言論〉. 《香港電台》. 2019-07-22. 原著喺2019-07-22歸檔. 喺2019-07-22搵到.
- ↑ 〈經濟日報集團發表聲明 石鏡泉言論純屬個人意見〉. 《晴報》. 2019-07-22. 原著喺2019-07-22歸檔. 喺2019-07-22搵到.
- ↑ 〈石鏡泉發道歉聲明撤言論〉. 《明報》. 2019-07-22. 原著喺2019-07-22歸檔. 喺2019-07-22搵到.
- ↑ "Arthur Shek Kang Chuen resigns". Webb Site. 2019-07-23. 原著喺2019-07-24歸檔. 喺2020-08-26搵到.
- ↑ 〈網民發罷買行動 石鏡泉辭經濟日報副社長〉. 《大紀元時報 香港｜獨立敢言的良心媒體》 (香港中文). 喺2021-03-03搵到.
- ↑ 〈石鏡泉辭任經濟日報副社長及集團執董 即時生效 - 香港經濟日報 - 即時新聞頻道 - 金融經濟〉. inews.hket.com. 原著喺2019-07-23歸檔. 喺2019-07-23搵到.
- ↑ 〈郭家麒警總報案要求徹查石鏡泉「打仔論」 - 即時新聞 - 新城財經台財經網〉. www.metroradio.com.hk. 喺2021-03-03搵到.
- ↑ 〈林卓廷去信鄧炳強 舉報何君堯石鏡泉涉7.21恐襲〉. 《大紀元時報 香港｜獨立敢言的良心媒體》 (香港中文). 喺2021-03-03搵到.