科莫多巨蜥

出自維基百科,自由嘅百科全書
跳去: 定向搵嘢
en:Wikipedia:How to read a taxoboxHow to read a taxobox
科莫多巨蜥
Varanus komodoensis1.jpg
瀕危指標
Status iucn3.1 VU.svg
易危 (VU)
物種分類
界 (Regnum): 動物界
門 (Phylum): 脊索動物門
綱 (Classis): 爬蟲綱
目 (ordo): Squamata
亞目 (Subordo): Scleroglossa
科 (familia): 巨蜥科
屬 (genus): 巨蜥屬
種 (species): V. komodoensis
二元學名
Varanus komodoensis
Ouwens, 1912
科莫多巨蜥嘅分布
科莫多巨蜥嘅分布

科莫多巨蜥英文Komodo Dragon學名Varanus komodoensis;又叫科摩多巨蜥或者科摩多龍)係世界上最大隻嘅蜥蜴,科莫多龍屬於巨蜥科Varanidae),響印尼好多島上面住。

分佈[編輯]

據估計,而家重有 6000 條科莫多龍,集中響印尼小巽他群島(Kepulauan Sunda Kecil),包括科莫多島(Komodo)有大約 1700 條、林卡島(Rincah; Rinca)有 1300 條、莫堂島(Gili Motang)有 100 條、佛羅雷斯島(Flores)可能有2000條。

外形[編輯]

平均長度 2 至 3 公尺。喺野生環境,成年嘅大科莫多龍普遍重約 70 公斤,獵獲嘅樣本往往重要重些少。證實到最大嘅樣本係 3.13 公尺長,166 公斤重(計埋未消化嘅食物)。

薩氏巨蜥Varanus salvadorii,又叫鱷魚巨蜥)比科莫多龍更長,但係比較瘦,冇咁重。

生活習性[編輯]

科莫多龍係肉食性嘅,獵食生嘅獵物。佢哋會靜雞雞走近獵物,然後突襲,短跑幾步時速可以有成20公里。科莫多龍係冇毒嘅,但係牙罅有 50 種以上嘅細菌。若然最初一口咬唔死啲獵物,畀佢走得甩,啲細菌都搞到敗血症,響一禮拜內就會整死佢哋。之後,科莫多龍食獵物嘅腐肉。論智慧、社會性、個性、學習能力等,都足以同其他頂尖哺乳動物(好似獅子)有得比。

科莫多龍嘅獵食範圍好闊,野豬山羊鹿水牛都啱。喺野生環境度,科莫多龍會甚至獵食後生嘅同類。偶然會獵食同人嘅屍體。從發現到而家,已經有 12 個人以上俾科莫多龍咬死,不過,據報亦有患上敗血症唔死得嘅。

科莫多龍會喺5至8月交配,9月生。乸會將蛋生喺地底或樹窿嚟保護佢哋。一竇平均有 20 隻,孵化期係 7 個月。但係,人工孵化嘅科莫多龍,一般唔識自衛,多數會死。頭幾年,BB 科莫多龍一般會住喺樹上,喺樹上生存機會好啲。大概 5 年就成熟,會生到 2 公尺咁長,最多有 30 年命。

研究史[編輯]

歐洲人喺1910年第一次發現佢哋。1912年後,爪哇島茂物(Bogor)嘅動物學博物館主館 Peteruwens,出版一份該主題嘅報告,令世人知得多一啲。1980年科莫多國家公園成立,幫手保護科莫多龍嘅族群。即使今時今日,啲報紙雜誌重經常用「食人獸」,「殘酷」呢字眼嚟形容佢哋。

香港無綫電視藝員同攝製隊,去科莫多島搵科莫多龍。節目叫「極地歷險系列之勇闖恐龍島、帛琉獵奇」。節目入面,三位主持林峯鄧健泓趙翠儀長途跋涉去到「恐龍島」。無綫成為亞洲第一間喺嗰個島拍嘢嘅電視台。由於科莫多島與世隔絕,隊人只係住喺由木柱撐起嘅棚屋。夜晚,科莫多龍不時爬近棚屋,棚屋採用離地設計令科莫多龍上唔到去。據村民所講,科莫多龍絕少襲擊當地人,幾日嚟,攝製隊近距離睇科莫多龍嘅擸食,重俾科莫多龍追。

睇埋[編輯]

參考、拎[編輯]