竹林禪院

出自維基百科,自由嘅百科全書
Jump to navigation Jump to search

座標: 22°22′41″N 114°07′07″E / 22.37806°N 114.11861°E / 22.37806; 114.11861

竹林禪院,山門

竹林禪院香港最大嘅佛寺之一,喺香港新界荃灣芙蓉山南麓,面積4公頃多。山上風光明媚,盡覽荃灣新市鎮,遠望藍巴勒海峽青衣島。喺1995年被評為三級歷史建築,2009年12月18號改評為香港二級歷史建築。   

[編輯]

  • 1928年,由融秋和尚用竹席棚架起成佛寺。
  • 1932年,「浮屠殿」起好,正式改名叫「竹林禪院」
  • 二戰期間日本殖民時代,僧侶們開辟土地耕種,實行自給自足度過艱難嘅時期。
  • 1949年,中國共產黨逼使大批僧侶逃難,竹林禪院大開方便之門,來者不拒,招待食宿。
  • 1970年,佛寺向香港政府補地價買入而家「大雄寶殿」嘅土地。
  • 1975年動工起「大雄寶殿」,並喺1982年完工同開光。

建築[編輯]

  • 入口處嘅山門係一石牌坊,刻住「竹林禪院」四個大字,登上白石階直達「天王殿」。
    • 山門中央橫匾中華民國17年(1928年),竹林禪院,融秋創建。
    • 山門嘅外對聯:佛曆2436年(1893年)- 「竹解靈心看萬綠參差誰會香嚴一擊,林X自性X眾緣和合玅詮龍猛三觀。」
    • 山門嘅內對聯:佛曆2524年(1981年)重建落成,挕山沙門超塵敬題:「翠竹絕塵氛聽梵唄數聲喚醒萬千名利客,叢林饒靜趣憑袈裟尺地寄將一片水雲身。」
  • 步入「天王殿」即見一尊彌勒佛嘅佛像,面容祥和歡喜。
    • 天王殿嘅橫匾:一生補處
    • 天王殿嘅對聯:「竹本虛心會得香嚴一擊方知來路,林無自性能明龍猛三觀即識歸程。」
    • 彌勒佛嘅對聯:「眼前都是有緣人相近相親怎不滿腔歡喜,世間盡多難耐事自作自受何妨大肚包容。」
  • 「天王殿」左邊係「福德祠」,「天王殿」後面係「韋馱殿」。
    • 福德祠嘅對聯:「三門清靜賴維護,五殼豐登仗協調。」
  • 喺「韋馱殿」後面,步出庭院,石階前面設有大「香爐」,左右都有蓄水池同亭臺花圃,旁邊種有參天樹木、大紅茶花。「鐘樓」同「鼓樓」分立兩邊。
  • 再拾級而上就係「大雄寶殿」,外觀莊嚴雄偉,殿前面立有氣勢非凡嘅紅色圓柱。殿裏面供奉釋迦牟尼佛像、藥師琉璃佛像同阿彌陀佛像,兩邊有金身羅漢像。「大雄寶殿」後面供奉觀音菩薩像。
  • 再拾級而上就係第一座磚石建造嘅「浮屠殿」,殿前面有石山魚池,兩邊係禪房。殿裏面供奉地藏菩薩像,由觀音像左右脅護,牆上面刻住佛教故事嘅浮雕壁畫。殿裏面建有7層木塔,此殿曾喺1953年重修。
  • 「浮屠殿」後有天然嘅重疊岩石稱:「佛塔」,下方有「妙蓮洞」同「觀音洞」等兩個岩洞 。後山重有「五百羅漢堂」同「菩提園」。
  • 花園金璧輝煌嘅祭臺上面供奉一尊四面佛雕像

[編輯]

出面網頁[編輯]