粵語拼音輸入法
(由粵拼輸入法跳轉過嚟)
粵語拼音輸入法係用漢字嘅讀音（粵語拼音）將漢字輸入電腦嘅一種輸入方法。對於粵語母語者嚟講，粵語拼音輸入法畀佢哋可以直接用母語思考同發音，比普通話拼音輸入法同字形輸入法使用門檻更低。特別係普通話背景唔強嘅香港同澳門用戶，對粵語拼音輸入法有一定嘅需求。
對熟練中文打字嘅用戶嚟講，粵語拼音輸入法嘅速度，通常比唔上字形輸入法。喺港澳地區，職業上需要大量從事中文打字嘅人，較常採用形碼輸入法，例如倉頡輸入法；用粵語拼音輸入法者以非專業用家較多，取其易學易用。不過，香港傳媒機構內亦有極熟練粵語拼音輸入法嘅用戶，每分鐘可以輸入40字以上[未記出處或冇根據]。而喺廣東亦都有用得好熟嘅用戶，嗰種程度同用普通話拼音輸入法一樣咁快，甚至更快，噉同粵語重音率低過普通話有關。
喺 21 世紀初，由於粵語拼音缺乏統一嘅拼音標準辦法，各種軟件嘅拼音法並唔一致，而喺廣東地區有唔少人用慣咗普通話拼音輸入法亦都好難轉用粵語拼音輸入法，所以一定程度上阻礙咗粵語拼音輸入法嘅進一步發展同普及。不過隨住粵拼（香港語言學學會頒行）方案喺香港教育界同政府機構嘅使用同推行，粵語拼音輸入法已經喺近年走向標準化，越嚟越多嘅粵語拼音輸入法都採用粵拼標準。
輸入法一覽
[編輯]使用香港語言學學會粵語拼音方案（粵拼）嘅輸入法
[編輯]- 搜狗輸入法（支援平台：Android、iOS、iPadOS）
- Windows/Mac/Linux Rime粵拼輸入法（支援平台：Windows、macOS、Linux）
- RIME 中州韻輸入法掛載rime-cantonese 碼表（支援平台： Windows、macOS、Linux、Android、iOS）
- 粵拼輸入法（支援平台：iOS、iPadOS）
- Google 輸入工具（Chrome 擴充功能）
- Gboard - Google 鍵盤（支援平台： Android）
- CantoKey 粵拼輸入法（支援平台：iOS）
- 粵音檢字法｜
- CPIME 廣東話拼音輸入法（CPIME在Windows 1809的安裝方法 - YouTube）
- Online Jyutping Input Method 網上粵拼輸入法
- 紅蜻蜓
- 輕鬆粵語輸入法
- 微軟香港粵語輸入法2007
- TypeDuck，呢個輸入法可以用粵拼輸入之餘，仲可以用縮寫嚟打，而且仲有提供印地文同尼泊爾文方面嘅支援，方便南亞裔嘅人士學粵語[1]。