粵講越掂

粵講越掂（粵拼：jyut6 gong2 jyut6 dim6）係廣東電視台珠江頻道出嘅大型粵語益智類綜藝節目，入面主要圍繞宣傳粵語文化，以趣味答題、遊戲互動、獎品競猜等方式表現咗粵語獨有嘅語言魅力同幾有廣州特色、歷史味道同文化特徵，重結合咗珠江頻道閤家歡嘅風格。呢部節目同時係唔識粵語啲人學粵語嘅平台。成部片入面，由於初學粵語啲人唔識點理解而搞出好多爆笑料。

• 第一季：2014年4月2號開播，2014年8月23號最後一集。總共20集。
• 第二季：2015年2月28號開播，2015年7月4號最後一集。總共21集。
• 第三季：2016年1月16號開播，2016年4月23號最後一集。總共15集。

由來

廣東電視台兩大金牌主持——鄭達、何浩鵬，同香港搞笑天王林曉峰三位一齊，話到新嚟廣東啲人對粵語文化越嚟越生疏，甚至唔識或唔明正宗同地道嘅粵語。結果電視台一於「掘地三尺，將廣州話大起底」，用咗幾個月時間準備呢部節目嚟呼籲「廣州人鍾意講粵語」嘅熱情。

遊戲規則

答得快　好世界

每位選手喺30秒內答題，每答啱一題加100，答錯唔扣分。

識少少　扮代表

每位選手喺答題之前，先話出幾多分，答啱加押分，答錯扣相應分數。押分最低100，最高500。每人有現場智囊團同打電話問老友呢兩個救命錦囊，但每個錦囊祗限使用一次，每用一次扣100。個環節之前嗌過十五十六　揀邊個。

手快有　手慢冇

搶答題環節。現場搞笑劇表演入面會出現好多問題，四位參賽者當中，答啱加300，答錯扣100。

傳心傳意（已取消）

四位參賽者分成兩组，分別同兩位考官完成傳話。考官一講嗰樣嘢係點樣，兩位參賽者必須要用廣東話話返畀考官二。重要考官二話啱先至有嘢獎。

鹹魚翻生

四位參賽者當中，其中最渣屎同最勁抽成績嗰兩位先有份參賽，分別同兩位考官用廣州話完成傳話。考官一講嗰樣嘢係點樣傳畀最渣嘅參賽隊員，之後用廣州話話返畀考官二，考官二再傳畀最勁嘅參賽隊員，之後用廣州話話畀考官總結成績，等考官宣佈結果：

• 如估考官話啱：最渣屎嘅參賽隊員成績×2，最勁抽嘅參賽隊員成績＋300。
• 如估考官話錯：最渣屎嘅參賽隊員成績清盤，最勁抽嘅參賽隊員成績冇變動。

大獎

每組冠軍都有赢到翻獎品牌嘅機會，集冠軍將會赢嗮凈低冚唪唥啲獎品。

出面網頁

• 粤讲越掂 广东电视台