廣東廣播電視台

出自維基百科,自由嘅百科全書
(由廣東電視台跳轉過來)
Jump to navigation Jump to search

 廣東廣播電視台粵拼gwong2 dung1 gwong2 bo3 din6 si6 toi4 ,又叫荔枝台lai6 zi1 toi4),簡稱廣東台gwong2 dung1 toi4)或GRT,係中國廣東省嘅電視台同電台,電視台喺1959年9月30號成立[1],總部喺廣州市越秀區環市東路331號;電台喺1949年10月18號成立,總部喺廣州市越秀區人民北路686號。呢間電視台早期用粵語向兩廣地區播電視節目,踏入21世紀無耐,電視台用咗有線同衛星嘅方式向中國內地同國外傳輸電視信號,同時喺港澳、亞洲其它地區同歐美等地開咗專屬電視台。而播音語言係粵語同普通話。

電視台同電台、南方廣播電影電視集團同南方電視台喺2014年4月23號合併,組成而家嘅廣東廣播電視台[2]

[編輯]

廣州電視台時期[編輯]

1959年8月15號,電視台正式成立。初期台名之所以叫「廣州電視台」,係因為嗰時行政屬廣東人民廣播電台,內部人士叫廣東人民廣播電台電視部。同年9月30號,廣東台喺越秀山北邊搞咗電視塔嚟試播黑白電視,重直播咗1959年10月1號嘅中華人民共和國成立十周年大會慶典。同年10月17日,直播欄目《電視台的客人》開播。1960年1月1號,電視台正式開播史上第一部電視劇——《誰是姑爺》。經過320日嘅試播之後,正式用二頻道播黑白電視節目。電視台拍嘅《全殲九股美蔣特務》節目曾經喺1963年,俾路透社轉發到全球各地。

電視台喺越秀山上邊嘅電視塔喺1966年5月1號正式投入使用。1970年,廣東台拍嘅電視紀錄片——《羅定山河起宏圖》喺北京電視台[3]播出街之後整成光學聲帶影片,交畀廣東省電影發行公司發行,成為廣東台第一部喺廣東省發行嘅電視紀錄片。而本台嘅電視攝影通訊員隊伍喺1971年成立,分佈喺廣東省9個地區、兩市、解放軍同部分省、市有攝影機嘅單位。

之前電視台一直用黑白電視,但到咗1972年,廣東台拍咗《石灣陶瓷綻新花》嘅電視紀錄片之後,打破咗電視台一直用黑白電視畫面嘅格局。經過幾年調試,電視台從1976年開始播彩色電視節目。而電視台第一部彩色電視車喺1977年9月25號正式投入使用。

廣東電視台時期[編輯]

1979年1月1號,本台改名做「廣東電視台」。嗰年春節同香港無線電視台喺廣州嘅烈士陵園辦兼直播《羊城賀歲萬家歡》春節文藝晚會。嗰時係中國內地電視第一次同香港嘅電視搞合作。同年4月初同香港《文匯報》、香港蔡和平廣告公司簽咗合約,開辦電視廣告業務,同時代理廣東台喺港澳地區嘅廣告業務。

1981年1日1號開始,電視台搞咗一系列嘅新聞改革,加咗港澳同國際專欄節目。同年7月成立咗譯製組,負責將電視劇同電影節目,翻譯成普通話或粵語兩種語言嚟播。而屬下嘅報紙——《廣東電視週報》喺1982年5月28號出版,發行範圍去到廣東甚至鄰近省市。而字幕組喺1983年1月成立,專門負責主要節目有字幕。

電視台播嘅語言方面,從1988年2月14號開始,廣東電視一台(後嚟改名做廣東電視嶺南台,而家係廣東電視台衛星頻道)改用普通話播;而廣東電視二台(後嚟改名做廣東電視珠江台,而家係廣東電視台珠江頻道)用廣東話播出。同年3月22號~4月10號,電視台第一次派報導組去北京報導十三大嘅盛況。而電視字幕喺1989年4月下旬基本實現電腦化。1991年1月8號~18號,電視台正式搬入環市東路331號嘅電視大樓。同年2月14號晚黑嘅迎春晚會打破咗電視台凈用一個中心舞臺形式,甚至喺3月1日 同福建台廈門台亞洲電視一齊搞閩港粵廈門鬧元宵嘅大型文藝晚會節目。

1995年2月22號,廣東台正式喺上海搞駐地記者站,同年12月28號喺北京搞咗駐地記者站。1996年,衛星台(廣東衛視)正式開播。而《廣東電視週報》喺1999年1月6號喺梅州茂名惠州陽江等九市發行地方版。而廣東台第一部大型數字化電視轉播車喺1999年1月8號啟用。

2002年7月1號,廣東電視公共頻道正式開播;同年11月29號,廣東電視台新聞綜合業務網正式開搞,佢係中國內地第一間省級電視台有新聞綜合業務網。

2003年8月1號,衛星頻道正式喺上海落戶。

2004年9月1號,珠江頻道海外版喺美洲、歐洲、非洲、澳洲同東南亞正式開播。同年10月1號,衛星頻道正式喺香港落戶,11月1號開播移動頻道同成立廣東南方之星影視節目有限公司。而珠江頻道喺2005年5月16號喺港澳地區有得睇。而開播頻道方面,從2005年8月28號到2005年12月8號,分撥開播咗數字畀錢、歐洲足球、馬來西亞家娛、廣東新聞等4個頻道。而屬下嘅嘉佳卡通頻道喺2007年3月17號先至開播。

2013年12月25號,廣電總局批准咗廣東電視台搞合併工作。直到2014年4月23號合併,組成而家嘅廣東廣播電視台[4]

廣東廣播電視台時期[編輯]

2014年5月16號,廣東廣播電視台同廣西電視台南寧成立合資公司,一齊搞廣西電視台影視頻道,將佢打造成粵語特色頻道。

廣東經濟電視台[編輯]

內文: 廣東經濟電視台南方電視台

廣東經濟電視台喺1994年12月22號開播,後嚟喺2001年7月1號將調整過嘅廣東有線廣播電視台改成南方電視台,同年12月20號正式開播。之前廣東有線體育頻道交咗畀廣東電視台。而之前嘅TVS-5(南方科教頻道)喺2005年11月改成廣東新聞頻道。

頻道一覽[編輯]

[編輯]

[編輯]

出面網頁[編輯]