廣東有線廣播電視台

出自維基百科,自由嘅百科全書
 呢篇文講嘅唔係廣東廣播電視台

 廣東有線廣播電視台粵拼gwong2 dung1 jau2 sin3 gwong2 bo3 din6 si6 toi4中國廣東嘅一間冇咗嘅電視台,1993年12月4號開播,2001年7月1號停播。

[編輯]

中共廣東省委宣傳部收到廣州有線電視台[註 1]開台料之後,有樣學樣跟佢,喺1993年12月4號成立咗間有線電視台,而機構喺1994年4月1號同6月1號俾國家廣播電影電視部[註 2]批准而成立。電視台開台之後,除咗轉播中央同兄弟嘅省級衛星電視等好多套節目之外,重開辦咗體育台、信息台同兩套調頻立體聲廣播音樂節目[註 3]。電視台之所以成立,係因為嗰時電視台統一接收香港嘅四個地面無線頻道[註 4],用清晰嘅畫面嚟嗌啲市民唔好自己接收未經過濾嘅原始信號而方便拉走啲敏感新聞。1996年4月開始,電視台改名做廣東有線廣播電視台。

停播[編輯]

2001年7月1號,由於廣電總局[註 2]話要取消有線電視,所以電視台原先有嘅都市、信息、影視、購物、卡通等5條頻道冚唪唥同隔籬嘅廣東經濟電視台合併,變成新成立嘅南方電視台[1]。而有線電視嘅營運管理工作畀咗廣東有線廣播電視網絡,而審查同插播權交咗畀南方電視台。

睇埋[編輯]

註同攷[編輯]

  1. 間嘢喺1993年3月8號開播,2001年7月27號停播。後嚟機構一分為二,屬下頻道併入咗廣州電視台(今日嘅廣州廣播電視台),而負責裝電視嘅業務喺2003年3月1號轉咗畀數碼電視,重喺2008年10月7號成立咗廣州有線珠江數碼
  2. 2.0 2.1 呢度講嘅都係今日嘅國家廣播電視總局
  3. 俗稱「互動點歌台」,喺電視台開辦時開播,2004年因引入咗互動遊戲點播業務同類似亞視嘅《百萬富翁》節目專考四選一嘅點播而被淪落為「打機台」同「問答台」,2007年時取消任何互動點播業務,改成播出其它片段同測試視頻節目。
  4. 呢度講嘅「四個地面無線頻道」分別係本港台(2016年4月2號停播)、國際台(2016年4月2號停播)同翡翠台明珠台

出面網頁[編輯]