國際台

出自維基百科,自由嘅百科全書

 亞洲電視國際台粵拼aa3 zau1 din6 si6 gwok3 zai3 toi4 (aTV World,就咁叫做國際台)係香港亞洲電視(aTV)嘅電視頻道,每日播出大約 22 個鐘頭,以英語為主,亦都有少少普通話日語韓語節目。

歷史[編輯]

亞洲電視國際台喺1973年4月6號成立,前身係麗的電視英文台同埋亞洲電視鑽石台,喺1989年2月13號改叫國際台。喺1999年,國際台為咗配合市場同埋觀眾而重新定位,播放電影同劇集之餘,提供生活時尚、科技新知、社會時事等娛樂資訊節目,並籍此可以減低運作成本;國際台嘅重新定位亦都係為咗減低採購節目嘅成本,同埋吸引高收入同高教育水平嘅觀眾。喺2002年,亞洲電視獲中國國家廣電總局批出牌照,批准亞洲電視本港台及亞洲電視國際台正式落地廣東省珠三角地區,成為首個落地國內嘅境外免費電視台。

節目[編輯]

由於無綫電視慣性收視,令國際台嘅收視點亦都比香港另一英語電視台——明珠台為低。根據AC尼爾森2006年做嘅收視調查,全香港最高收視嘅100個英語節目都係由明珠台攞到[1]。國際台主要播出嘅節目嚟自英國美國,包括電視劇紀錄片體育賽事同埋動畫等等。其中節目包括 CSI: Crime Scene Investiogation 滅罪鑑證科Survivor 生還者Late Show with David Letterman 大衛牙擦騷等。除咗呢啲節目之外,國際台亦都喺非黃金時間播放韓語日語電視節目、美國嘅宗教節目同埋中國中央電視台美國CBS台灣東森電視嘅新聞報道,提供多元化嘅節目。國際台亦都喺星期三夜晚直播香港賽馬賽事。

國際台全港類比電視訊號發射頻道及頻率[編輯]

發射站 頻段 頻道
慈雲山(主) UHF 第27頻道
青衣 UHF 第30頻道
元朗374 UHF 第32頻道
營盤 UHF 第33頻道
將軍澳村 UHF 第40頻道
馬灣 UHF 第41頻道
青山、飛鵝山、赤柱、石壁、元朗安樂路 UHF 第44頻道
金山、南朗山、砵甸乍山、康樂園、沙田駿景園、元朗新時代廣場 UHF 第45頻道
虎地 UHF 第48頻道
東涌數村 UHF 第50頻道
屯門數村 UHF 第52頻道
葵涌大白田 UHF 第53頻道
柴灣、聶高信山、紅花嶺、筆架山、大嶼山275、上洋山、元朗297、大欖涌141 UHF 第54頻道
九龍坑山、南丫島、琵琶山、照鏡環山、橫洲、石崗、大埔仔、大澳、沙頭角 UHF 第55頻道
坑口村、九華徑、長洲 UHF 第56頻道
西貢對面海、深井、茶果嶺 UHF 第57頻道
大埔泮涌村、鴨脷洲及香港仔 UHF 第58頻道
荃灣、中西區 UHF 第60頻道
馬灣田寮村 UHF 第61頻道

其它地區播出情況[編輯]

呢個台凈喺香港、澳門、廣東同廣西梧州嘅鄉下地區有得播。但由於好多時語言唔通,收視率長期低下,新聞入面一有敏感時政會出現扯咗信號情況,但由於有中國企業向亞視入股,所以有商業廣告喺廣東省市兩線直接播。不過喺收台之後到開台之前及部分時間,部分城市會播電視直銷廣告或專家講座(例如韶關肇慶地區)。但有部分廣東嘅城市係冇國際台(例如汕頭南澳縣)或搵唔到國際台。廣東地區從2005年開始實行咗數字電視化之後,中山地區係廣東唯一城市保留咗國際台嘅模擬頻道。

中山地區喺2012年9月24號之前,重試過國際台廣播期間,一日24個鐘插播廣告[2]

停播之後[編輯]

2016年4月1號深夜(UTC+8),亞洲電視屬下所有頻道就快熄機時,原訂會播出一張卡,但後嚟因技術原因而冇出現,取而代之係雪花或藍屏或黑屏。隨後無耐,收到國際台嘅地區出現唔同嘅變化:除咗深圳同佛山播循環短片;肇慶同清遠改為播本土垃圾廣告;江門改為轉播CCTV-1之外,其它地區都出現藍屏,帶有「節目信號中斷」嘅白色宋體字。喺廣州,停播之後重播咗港台電視31嘅音頻信號成8分鐘;直到當日00:24先至轉成測色板嘅界面。而香港地區按之前噉轉播港台電視33A(轉播CCTV-9英文版)節目。第二日,除廣州地區嘅珠江寬頻、U互動繼續播測色板;白雲花都及番禺從化有線無限循環播區新聞之外,其他地區轉咗廣東有線畀出嘅藍底帶「本港台和國際台由於牌照到期已停播」嘅宋體白字。停播後第4日,廣州地區亦轉播廣東有線畀嘅畫面。

2016年4月6號,湛江部分地區用華娛星空頂咗原嚟嘅亞視兩個頻道位,甚至有部分地區變成測試頻道。

2016年4月12號,除咗廣州、茂名、佛山有線同深圳天威屬下都變成藍屏無字嘅畫面,增城有線變成測試頻道,重有部分地區直接刪台。

2016年4月15號,廣州嘅白雲有線將國際台改成彩條信號

2016年4月19號,江門地區用CCTV-NEWS頂咗原先國際台嘅位。

2016年4月26號,汕頭地區用新疆衛視頂咗原先國際台嘅位。

2016年5月底,茂名地區將原先亞視國際台嘅頻道位刪咗。

2016年7月1號,肇慶新會地區用廣州電視台綜合頻道頂住原先國際台嘅位。

參考[編輯]

  1. [1]
  2. 東廣播影視網 - 咨詢投訴 明珠台國際台被整天插播廣告. 原著喺2014年8月19號歸檔. 喺2016年4月2號搵到.

睇埋[編輯]

出面網頁[編輯]