慣性收視

出自維基百科,自由嘅百科全書
Jump to navigation Jump to search

慣性收視電視收視率長期不均咁傾向於個別電視台。

造成慣性收視嘅主因係心理,個人(忠實觀眾)冇轉台習慣、受社交圈子(羊群心理)影響、宣傳廣告咁。

遙控器令轉台方便咗,不過慣性都重有。反宣傳都好有效,比如傳聞A台係弱台,所以個個都睇B台,之後A台「低收視」都變「零收視」,廣告收入都唔夠,想翻身都幾難。

慣性心理[編輯]

商業心理[編輯]

市場學角度研究消費者嘅消費模式同消費者心理有關,消費模性普遍都出現慣性[1]。尤其係老字號公司產品同服務,喺各行各業、服務、國家都會出現,唔係個別現象,難以定性為個別現象。

商業社會,運用心理好常見。例如刻意提高定價至整數,製造「平嘢冇好、好嘢必貴」嘅心理錯覺。

媒介使用[編輯]

  • 北方新聞網:「雖然因為《小梅醫生》帶起了慣性收視,引發《純與愛》以19.8%既好成績高開,然而即使有《家政婦三田》遊川同彥該樣的金牌編劇將持劇集本身,最受…」[2]
  • 香港新浪網:「《ATV焦點》——今日嘅題目係:「有建設冇破壞,究竟《ATV焦點》爆咗未?」史上最富娛樂性的亞視節目難敵慣性收視,現在連健在與否都沒有人知道,…」[3]

慣性收視之嫌[編輯]

香港[編輯]

香港免費電視服務性質同質素相近,無綫電視亞洲電視嘅「人才」不時轉投對方陣營。2009年無綫《絕代商驕》嘅商業理論同佢嘅表達手法,有唔少地方「雷同」於2000年亞視嘅《世紀之戰》第五集,賣遮一幕。無線鉅作《大時代》嘅監製韋家輝為亞視製作「似乎係大時代續集嘅劇集」《世紀之戰》,同樣由《大時代》嘅主角劉青雲鄭少秋主演。

約定俗成嘅習慣,香港有唔少酒店、家居都將電視設定為「一字就係無綫」,而啲人又經常「撳一字」。反映出啲人用電視遙控嘅慣性嘅劇集,無綫嘅《雷霆掃毒》中,陳家碧教陳家俊用電視遙控睇電視嗰時話:「按一字就有電視睇。」。或者呢個該就係《讀心神探》所指出過嘅:「人睇嘢一般係先睇佢左上方」,喺呢度解做電視遙控揀台掣嘅「1」字。

酒樓食肆亦投其所好,都係開着B台,如果個別食客想轉睇A台都幾難。

香港傳媒經常報導無綫情況,甚至報導亞視,而近年傳媒報導嘅亞視多數係負面。

參考[編輯]

  1. "慣性消費". (原先內容喺2016年3月4號歸檔). 喺2012年11月13號搵到. 
  2. [1][失咗效嘅鏈]
  3. "存档副本". (原先內容喺2012年11月17號歸檔). 喺2012年11月13號搵到. 

出面網頁[編輯]

註:以下唔係「慣性收視」嘅研究,但用咗「慣性收視」一詞,並冇對「慣性收視」一詞作出任何證明同分析。