本港台

出自維基百科,自由嘅百科全書
(由亞洲電視本港台跳轉過嚟)
本港台
邊位屬下亞洲電視
開播1963年9月30號
停播2016年4月2號
廣播語言粵語
口號亞洲電視 繽紛新一頁
總部位置 香港新界大埔
大埔工業邨大盛街25~37號
前稱麗的呼聲中文台(1963~1973)
麗的一台(1973~1982)
亞洲電視中文台(1982~1987)
亞洲電視黃金台(1987~1989)
亞洲電視本港台(1989~2016)

 亞洲電視本港台粵拼aa3 zau1 din6 si6 bun2 gong2 toi4 (簡稱本港台英文:ATV Home)係香港亞洲電視提供嘅免費綜合頻道,主要以粵語播放劇集綜藝資訊等節目,亦都有部份以麗音廣播中文麗音廣播(NICAM,模擬版本)或者係多重AC-3位流(數碼版本)作多種語言廣播嘅普通話韓文英文跑馬節目。本港台主要喺平日黃金時間播放自製同埋外購嘅劇集,黃昏就播放卡通動畫,而週日多播放資訊性節目,以吸引友台(無綫電視翡翠台)嘅觀眾。本港台嘅主要對手係無綫電視翡翠台,因為慣性收視嘅關係,翡翠台嘅收視率比本港台經常超出2倍以上(平均收視最高去唔到15點),所以本港台最近改變策略,吸引中國內地觀眾收睇,吸引內地廣告商喺非黃金時段喺本港台放廣告

歷史[編輯]

内文:亞洲電視

亞洲電視本港台早喺1963年9月30號開始播放,嗰時佢係麗的映聲中文頻道,亦都叫做中文台,係當時嘅收費電視頻道。喺1973年4月6號,麗的映聲為咗面對無綫電視嘅競爭,決定由有線收費廣播變做免費無線廣播,麗的映聲亦都改名做麗的電視,設有「麗的中文台」同埋「麗的英文台」兩個頻道,同年12月,改做彩色廣播。1978年3月14號開始24小時播放。第一次改名係喺1987年1月,嗰時已經被易手同埋改名做亞洲電視麗的電視,將「中文台」改名做黃金台,以對抗競爭對手翡翠台。喺經過多次易手之後,喺林百欣嘅帶領下,「黃金台」再次改名做而家嘅「本港台」。跟住喺2001年去到2004年間,喺由九巴設立嘅路訊通播放節目精華片段。2007年9月,亞視同埋無綫電視達成協議,喺同月29號起破天荒聯合提供佢哋旗下嘅中文頻道原本由香港電台電視部佔用嘅黃金時段,兩間電視台將會喺有關時段播番佢哋製作或者重新包裝嘅節目,但係播放嘅節目需要由兩間電視台共同協商決定(因呢啲時段係由亞視同埋無綫共同提供同管理)。根據同無綫電視達成嘅協議,本港台喺星期六、日有關時段播放嘅第一批節目分別係時事追擊中文時事追擊全日本爭霸大攻略中文全日本爭霸大攻略(外購)、金錢世界中文金錢世界同埋地球深度行IV之鐵証待判中文地球深度行[未記出處或冇根據]

停播之後[編輯]

2016年4月1號深夜(UTC+8),亞洲電視屬下所有頻道就快熄機時,原訂會播出一張卡,但後嚟走咗數。係因為嗰晚《夜間新聞中文夜間新聞》嘅主持吳泳茵中文吳泳茵喺Facebook發文話驚住「相關部門」交接唔順利,話喺23:00到00:00停播前嘅節目播放特別緊張,所以最後唔可以有亞視撈稿或其它特別型式嚟講拜拜,即使亞視希望臨時改播佢喺2016年3月主持嘅《今日亞洲中文今日亞洲》污水處理特輯都唔得,重批評政府點解重要向電視台搞咁多限制。而程啟光講嘅「一張卡」實際係嗰晚夜間新聞中文夜間新聞播嗮之後出現嘅「亞洲衛星電視 亞洲網絡電視 開創亞洲電視新紀元」呢張,之後臨時插播成《亞洲電視新一頁》嘅節目,話吳泳茵中文吳泳茵訪問亞視股東代表何子惠嘅片。雖然之後播《Miss Asia 25th. 亞姐瑰麗巡迴》節目諗住播到發射站切斷信號為止,但節目未播嗮就被切斷信號,變成藍屏畫面,隨後變成雪花或黑屏(部份電視機重係保持藍屏)。隨後無耐,收到本港台嘅地區出現唔同嘅變化:

所在地 頻譜變為
香港 藍屏→雪花→港台電視31A
廣州 珠江寬頻中文珠江寬頻)風景畫,帶有「信號傳輸故障,請稍後……」嘅字樣→藍底白字,上邊有「節目信號中斷」嘅宋體字→測色板→藍底帶「本港台和國際台由於牌照到期已停播」嘅白字
(白雲有線)風景畫,帶有「信號傳輸故障,請稍後……」嘅字樣→藍底白字,上邊有「節目信號中斷」嘅宋體字→測色板→無限循環播白雲新聞
廣東有線中文廣東有線)直接藍底白字,上邊有「節目信號中斷」嘅宋體字(有洩漏過「RTHK 31A」嘅字樣,但無耐消失咗)→風景畫,帶有「信號傳輸故障,請稍後……」嘅字樣→藍底帶「本港台和國際台由於牌照到期已停播」嘅白字
番禺有線)藍底白字,上邊有「節目信號中斷」嘅宋體字→彩條信號→藍底帶「本港台和國際台由於牌照到期已停播」嘅白字
深圳 天威視訊中文天威視訊)循環播名為「今日香港」嘅短片,音效播中華人民共和國國歌→出現藍底,帶「本港台和國際台由於牌照到期已停播」嘅仿宋體白字
羅湖有線)拍同歐洲別墅建築有關嘅動畫→藍屏
惠州 風景畫,帶有「信號傳輸故障,請稍後……」嘅字樣→出現藍底,帶「本港台和國際台由於牌照到期已停播」嘅仿宋體白字
珠海 直接出現藍底白字,上邊有「節目信號中斷」嘅宋體字。→出現藍底,帶「本港台和國際台由於牌照到期已停播」嘅仿宋體白字
江門 除咗新會轉播推介垃圾廣告之外,其它地方都轉播CCTV-1中文中央電視台綜合頻道
肇慶 插播肇慶當地廣告
清遠 插播清遠當地廣告
韶關 直接出現藍底白字,上邊有「節目信號中斷」嘅宋體字。
佛山 佛山景區宣傳視頻
汕頭 變成中阿衛視中文中阿衛視節目成1~2分鐘→汕頭當地廣告測色板→出現藍底,帶「本港台和國際台由於牌照到期已停播」嘅仿宋體白字

註:喺廣東地區,省線喺電視台就快停播之前嗰1分鐘出現事先錄定嘅香港政府宣傳片;部分唔受當地廣電部門猛咁插播廣告影響嘅城市,甚至出現未到羅霖講「特別係經濟獨立」時直接出現「節目信號中斷」嘅畫面;羅湖有線收到嘅信號喺停播之前出現歐洲嘅別墅建築之後出現黑屏畫面。廣東有線中文廣東有線屬下管轄嘅電視地區,就長時間出現藍底,帶「本港台和國際台由於牌照到期已停播」嘅仿宋體白字形式出現,跟住廣州有線中文廣州有線喺2016年4月5號都轉播咗廣東有線中文廣東有線畀出嘅界面。而用模擬電視或數字電視收唔到本港台嘅居住粵港澳以外地區人士,喺2016年3月31號深夜,原先本港台嘅網絡直播平台信號變成中天綜合台。喺廣州白雲有線屬下嘅本港台,重喺屏幕下邊打出咗「因經營不善,所以本港台同國際台從2016年4月2號開始正式停播,敬請諒解。」嘅跑馬字幕。

廣東,唔係蛇口有線或羅湖有線接收香港電視嘅用戶,由於收到viuTV喺4月6號開播嘅關係,2016年4月2~5號一度猛咁打電話同網上投訴點解重未調整電視信號,後嚟廣東有線中文廣東有線出嚟解釋話暫時未收到允許轉播新頻道嘅通知而未轉播到[1][註 1]

2016年4月6號,湛江部分地區用華娛星空中文星空衛視頂咗原嚟嘅亞視兩個頻道位[4],甚至有部分地區變成測試頻道。

2016年4月12號,廣州地區嘅本港台頻譜播「本港台和國際台由於牌照到期已停播」嘅公告變咗宋體字體;而白雲有線重喺度無限播區級新聞;喺深圳部分地區已經改播購物頻道,羅湖嗰邊已經改播NOW屬下嘅頻道;廣東其它地區有部分地方已經改播珠江電影頻道中文珠江電影頻道或直接刪台嘅處理。三日後,廣州茂名佛山有線同深圳天威中文深圳天威嘅本港台畫面變成藍屏無字嘅畫面,部分地區直接刪咗台,而增城有線屬下嘅電視頻道位變成測試頻道[5]

2016年4月19號,江門地區用浙江衛視頂住原先本港台嘅位。

2016年4月26號,汕頭地區用旅遊衛視中文旅遊衛視頂住原先本港台嘅位。

2016年5月12號,廣州嘅白雲有線唔單止循環播白雲新聞之外,甚至重改成轉播重慶電視台中文重慶電視台時尚購物頻道;番禺有線中文番禺有線將本港台嘅信號位改成中國氣象頻道中文中國氣象頻道[6]

2016年5月底,茂名地區將原先亞視本港台嘅頻道位變成黑屏。

2016年7月1號,新會地區用澳亞衛視中文澳亞衛視頂住原先本港台嘅位。

2016年7月底,廣州白雲有線中文白雲有線將原先無限循環插播白雲新聞嘅本港台位改成新疆漢語衛視中文新疆漢語衛視,但2個月後又打回頭。

2016年8月11號,茂名有線用茂名電視台中文茂名電視台購物頻道頂住原先本港台嘅位。同日喺潮州潮陽區嘅有線,用咗遼寧衛視中文遼寧衛視頂住原先本港台嘅位。而陽江銀視利用除01:00~07:30時段外嘅其它時段播劇集

2016年11月28號,廣州市區屬下嘅珠江寬頻同埋甜果時光,用咗呢個頻道位開播花城頻道

節目[編輯]

由本港台嘅前身,麗的映聲中文頻道去到而家亞洲電視本港台嘅四十幾年間,本港台製作出唔少令觀眾深刻同震撼香港嘅節目,亦都曾經打破慣性收視嘅紀錄。以下係其中一啲節目:

有關本港台嘅節目,請睇亞洲電視節目一覽中文亞洲電視節目列表

本港台全港模擬電視訊號發射頻道同頻率[編輯]

發射站 頻段 頻道
慈雲山(主) UHF 第23頻道
九華徑 UHF 第22頻道
坑口村、虎地、元朗374 UHF 第24頻道
西貢對面海、深井、營盤、東涌數村、長洲 UHF 第26頻道
將軍澳村 UHF 第30頻道
馬灣田寮村 UHF 第31頻道
中西區 UHF 第32頻道
大澳、薄扶林、元朗新時代廣場 UHF 第39頻道
鴨脷洲及香港仔 UHF 第40頻道
荃灣、茶果嶺 UHF 第41頻道
青山、飛鵝山、赤柱、石壁、元朗安樂路 UHF 第42頻道
金山、南朗山、砵甸乍山、康樂園、沙田駿景園、藍地 UHF 第43頻道
屯門數村 UHF 第45頻道
大埔泮涌村 UHF 第48頻道
葵涌大白田 UHF 第49頻道
柴灣、聶高信山、筆架山、大嶼山275、上洋山、大欖涌141 UHF 第52頻道
九龍坑山、南丫島、琵琶山、照鏡環山、橫洲、石崗、大埔仔、沙頭角 UHF 第53頻道
紅花嶺、元朗297 UHF 第57頻道
馬灣、青衣 UHF 第60頻道

本港台喺美洲[編輯]

亞洲電視本港台喺2002年初,推出24小時廣東話衛星頻道,亞視本港台(美洲版)。呢條頻道由Echostar旗下嘅DISHNetwork提供服務。亞視本港台(美洲版)主要播放同香港同步嘅新聞報導同時事節目、經典劇集同埋綜藝節目。

參考[編輯]

  • 香港電視廣播服務頻率表 [1]

睇埋[編輯]

註同攷[編輯]

  1. 喺中國大陸,未經批准就亂咁轉播其它境外(計埋港澳台地區屬下)嘅電視台(唔理佢有冇敏感嘢定係新開嘅電視台)係違法行為[2]。情節輕嘅要警告,重嘅話要吊銷牌照[3]
  1. 关于亚洲电视现状、是否引进viutv等香港台、香港电视被插播大陆广告的一些半官方解答。匆忙写出,若有不妥之处请见谅。 新浪微博 (2016-04-06)
  2. 广播电视管理条例 中华人民共和国中央人民政府
  3. 引进、播出境外电视节目的管理规定 互聯網檔案館歸檔,歸檔日期2007年8月12號,. 人民网
  4. . 原著喺2015年5月3號歸檔. 喺2016年4月16號搵到.
  5. 本港台和国际台变成了测试频道
  6. 关于调整六套保留模拟信号的公告 互聯網檔案館歸檔,歸檔日期2019年10月8號,. 番禺有线

出面網頁[編輯]