紅磡市立殯儀館
紅磡市立殯儀館（英文：Hung Hom Public Funeral Parlour）係香港主要嘅殯儀館之一，位於九龍紅磡暢行道6號，政府成立嗰陣定位做香港唯一嘅公眾殯儀館。由於殯儀館使用率偏低，2002年開始招標畀私營公司經營，每次為期五年，係香港唯一由食物環境衞生署招標經營嘅殯儀館，2002年到而家曾經由四間公司營運，用過四個唔同嘅殯儀館名。2017年3月31號福澤殯儀館嘅營運權屆滿之後，政府為殯儀館進行為期一年嘅維修工程，2018年重新公開招標[1]，由東華三院投得由2018年11月起共5年嘅營運權，並命名做「寰宇殯儀館」[2]，2019年3月正式啟用。
歷史
[編輯]「市政局紅磡公眾殯儀廳」喺1978年啟用；1983年改名做「紅磡市立殯儀舘」，設有三個禮堂並免費畀死者家屬用來做「惜別亭」。後來政府鑑於使用率偏低，改為公開招標形式外判畀私營機構經營，並規定中標者需要為清貧家庭提供廉價殯儀服務[3]，終於喺2002年由永恆殯儀有限公司以2000萬元投得首個經營權，並正式改名做「永恆殯儀舘」，之後再幾度易手，分別喺2007年改名做「世盛殯儀館」，同喺2012年改名做「福澤殯儀館」，2019年再改名做「寰宇殯儀館」。
殯儀館名
[編輯]公眾殯儀館時期
[編輯]- 市政局紅磡公眾殯儀廳（1978年6月7號—1983年）
- 紅磡市立殯儀館（1983年—2002年）
政府招標經營時期
[編輯]- 永恆殯儀館（Perpetual Funeral Parlour）（2002年2月1號—2007年1月31號，永恒殯儀有限公司經營）
- 世盛殯儀館（Sai Sing Funeral Parlour）（2007年3月1號—2012年2月29號，世界殯儀館有限公司經營）
- 福澤殯儀館（Grand Peace Funeral Parlour）（2012年4月1號—2017年3月28號，省港澳陵園禮儀有限公司經營）
- 寰宇殯儀館（Global Funeral Parlour）（2019年3月20號—2029年，東華三院經營）
參考
[編輯]- ↑ 食物環境衞生署持牌殯儀館
- ↑ 〈東華三院寰宇殯儀館裝修工程開工大吉儀式〉 (PDF)。原著 (PDF)喺2019年2月12號歸檔。喺2019年2月12號搵到。
- ↑ 經營權屆滿 紅磡福澤殯儀館停運
