罐頭音樂

罐頭音樂係一類現成嘅流行音樂，講緊唱片公司因為要賺錢，所以好快寫好多歌，所以做到好似一個個罐頭咁，首首都係咁上下，同度身訂造嘅配樂相對。

罐頭歌最常就係幫電影、電視、或者廣播劇嚟做配樂用，不過因為罐頭歌一般旋律同節奏又都係嗰啲、編曲又一成不變，所以啲歌冚唪唥都冇乜特色、甚至死版都爆。同嚮其它影音後期製作嘅時候，如果剪接師傅為咗交貨快趣、成本平、老細要求又唔高，就會用罐頭音樂。

有人話，罐頭音樂冇感情、有時完全同套戲都唔夾，九唔搭八都會配搭上去，好似垃圾戲、七日鮮之類。

不過，有啲罐頭音樂都配得好成為經典，例如1970年代黃飛鴻電影系列嘅主題曲《將軍令》，都係罐頭音樂。原先《將軍令》係中國大陸一首流行曲，收尾俾香港人不問自取用咗嚟做罐頭音樂。