罰牌

出自維基百科,自由嘅百科全書
Jump to navigation Jump to search
喺足球比賽成日出現嘅兩種牌:左邊嗰張係黃牌,右邊嗰張係紅牌。

罰牌粵拼fat6 paai2)係好多體育運動入面,專門用嚟警告或處罰某位喺場上搞搞震或搗亂檔啲運動員或教練或隊伍,一般喺裁判或球證手頭揸住,跟住裁判或球證都會喺被處罰嘅運動員頭頂或用手指出指定被處罰嘅運動員出罰牌。呢種行為係打算提醒好多位球員、教練組同觀眾係用乜形式嚟處罰。不過根據處罰輕重唔同,每種罰牌都有唔同嘅色或樣嚟定乜懲罰等級。大多數比賽入面,出現黃牌同紅牌嘅機會最多。

由來[編輯]

罰牌最先喺足球界出現,由英國球證堅阿士東英文Ken Aston喺1966年提出[1],嗰時阿士東俾國際足協受邀請而去執法FIFA世界盃。1966年7月23號,喺溫布利球場舉辦嘅八強——英格蘭對陣阿根廷嘅比賽時最先用到罰牌,嗰日比賽結束之後,好多報紙都有寫到球證——魯道夫·克賴特萊因,將波比查爾頓積查爾頓嗰兩位英國球員罰咗牌,重將阿根廷波手——安東尼奧·拉田罰埋落場[2][3],當場執法球證亦冇做清楚係發生咩事,令嗰時英格蘭足協告到FIFA話清楚究竟點解。後嚟得知原嚟嗰場比賽成日有犯規動作,加上嗰時有三位球員同班球證出現雞同鴨講嘅情況,重有係拉田俾兩位英國差佬趕出球場。執法球證阿士東亦出面解釋,話紅黃牌係借鑒咗紅綠燈嘅切換顏色燈信號樣嚟整,其中黃燈指嘅係若果喺安全情況下,重可以繼續。紅燈指嘅係GAME OVER,冇得玩喇。加上阿士東亦解釋到,主要整成噉嘅紅黃牌,係解決球員同球員之間出現些少磨擦時嘅雞同鴨講拗數現象,同究竟判定係警告定罰落場嘅情況[1]。結果,從1970年FIFA世界盃開始,之後每屆世界盃都第一時間用到紅黃牌制度,其中黃牌係警告,紅牌係攆走噉解。

自從足球出現咗罰牌之後,好多喺足球以外啲體育比賽嘅執法行業都借鑒咗足球比賽嚟整咗唔同嘅罰牌制度兼納入咗規定範疇。

用到嘅罰牌[編輯]

家下啲體育比賽入面,唔同比賽都有唔同嘅罰牌制度,甚至連顏色同個樣都唔同。

黃牌[編輯]

黃牌係大多數體育運動執法時,用嚟警告或打算臨時攆走嘅用途。

黃牌喺好多體育運動成日用到。喺大多數體育運動嘅執法入面,形容可以係警告參賽選手或運動員,亦可以係打算臨時攆走。

足球[編輯]

球證公開警告指定嘅波手唔好再繼續犯規[4],而且球證亦有隻好細嘅簿同筆記低邊位攞過黃牌。若果同一場比賽攞過黃牌嘅指定球員再俾球證出咗張黃牌,就係「兩黃變一紅」而落場兼唔畀派替補球員上場或換人。

亦有大多數聯賽或盃賽出現「夾埋幾多張黃牌」嘅講法,通常由賽事所屬方嘅執法協會負責記錄。若果喺同一聯賽或盃賽唔同嘅賽事入面,出現攞夠2~3張黃牌就下一場停賽嘅現象。

田徑[編輯]

球證公開警告指定嘅運動員唔好再繼續犯規,若果再繼續犯嘅就「兩黃變一紅」落場[5]。喺國際田徑協會,亦撤銷咗偷雞嘅講法。若果教練喺田徑場上教運動員點偷雞或詐諦抽筋嘅話,最頂籠都會罰黃牌。

澳式足球[編輯]

球證公開警告指定有犯規記錄(例如鬧球證、同對方搞出明顯犯規等)嘅波手。除咗呢啲嚴重犯規記錄之外,若果其它波手攞咗黃牌,都唔畀喺場上玩¼節時間咁耐(喺罰時期間,半佬出現犯規而暫停嘅時間唔算),不過可以通過換人落場。若果攞過黃牌嘅波手,球證都會有記錄在內[6]

羽毛球[編輯]

裁判會向違反咗羽毛球規定啲單個或雙個波手罰黃牌,意思係重可以畀多次機會繼續玩,若果再犯就係「兩黃變一紅」或「兩黃變一黑」落場[7][8]

冰球[編輯]

裁判會向指定出現幾次技術性犯規(例如龍門球、技術性發波、自由球、冇波障礙)嘅隊罰黃牌[9]。若果同一隊出現太多次技術性犯規,唔單止會罰白牌,相反重要落場休息5分鐘。

輕艇水球[編輯]

黃牌喺輕艇水球屬最嚴重嘅警告罰牌,一收到噉嘅牌,要落場休息2分鐘[10]。一般喺以下情況先至會用到:

  • 喺就快直接射波時,出現有阻擋射波動作。
  • 有波手特登向對方出現嚴重犯規或危險動作。
  • 波手對球證講出侮辱性言論或唔滿意球證判罰而嗌交。
  • 同一比賽同一波手收到第二張綠牌之後再犯多次規嘅(三綠變一黃)。

馬術[編輯]

馬術比賽入面,凡係騎手出現對隻馬實施虐待或污辱等其它唔正當行為,都會俾裁判罰黃牌[11]。以下行為都算數:

  1. 明顯騎咗隻跛腳或拗柴嘅馬。
  2. 騎咗冇嗮體力嘅馬
  3. 猛咁用馬刺嚟虐待隻馬
  4. 實施危險騎行

雖然騎手可以揀唔接受罰牌,但係騎手嘅所作所為都會俾裁判組實施裁決。因為騎手收到黃牌嘅話,呢場訓練之後會接受大懲罰或直接被宣佈出局[11]

擊劍[編輯]

凡係出現以下情況其一都會攞到黃牌[12]

  • 用身體接觸對方(限花劍佩劍比賽)。
  • 比賽未結束時,未經允許而擅自離開擊劍場地。
  • 拒絕接受裁判嘅判罰
  • 喺就快比賽開始時,指定參賽劍手唔肯上場比賽。

劍手一旦攞咗黃牌,嗰場比賽凈低嘅時間同節數都同樣有效[12]。喺一啲情況下,劍手因違規而得分都唔出奇。若果第啲人首次喺場上出現干擾正常進行嘅比賽,噉干擾比賽嘅肇事人都同樣攞到黃牌[12]

曲棍球[編輯]

喺曲棍球比賽入面,凡係攞到黃牌嘅波手,都一律罰落場休息[13]。雖然判罰時間由球證組睇犯規嘅輕重而定,但罰時最短都唔短過5分鐘[13]。若果同一場比賽同一波手夾埋攞到至少兩張黃牌嘅話,罰時都會將先前犯規用過嘅罰時重新加返上去。若果同一場比賽同一波手再一次同樣犯規嘅,將會「兩黃變一紅」罰落場。不過凡係遇到對球證或其它波手做出唔公正嘅行為,球證會第一時間畀黃牌[13]

蓋爾式運動[編輯]

喺蓋爾式運動入面,唔理係愛爾蘭式曲棍球蓋爾文Camógaíocht愛爾蘭式足球板棍球運動,凡係出現有節制性犯規嘅,球證會直接向犯規波手畀黃牌。若果同一場比賽入面,先前攞過黃牌嘅波手再攞多次黃牌嘅話,就係「兩黃變一紅」落場。

手球[編輯]

場上是旦一個隊員或團體,凡係出現以下情況其一都會攞到黃牌[14]

  • 專登做出明顯嘅犯規動作。
  • 利用陰濕行為阻住對方嘅掟波動作。
  • 鬧或整蠱球證
  • 專登用腳或膝頭以下部位擋住射波或傳波行為
  • 因戰術重複原因而反復入禁區

混合格鬥[編輯]

主要用嚟對犯規隊員做警告,若果同一場比賽夾埋攞咗三張黃牌嘅就要罰落場。

水球[編輯]

若果球員(唔理係場上定喺場邊)或教練出現有唔尊重球證嘅指揮行為,球證都會第一時間向指定球員或教練畀黃牌。

排球[編輯]

[編輯]

  1. 1.0 1.1 "Ken Aston – the inventor of yellow and red cards". fifa.com. 喺February 20, 2013搵到. 
  2. "World Cup: 25 stunning moments … No23: The 1966 World Cup". TheGuardian.com. The Guardian. 2014-06-05. 喺2014-08-13搵到. 
  3. "Hurst the hero for England in the home of football". FIFA. (原先內容喺2008-01-24歸檔). 
  4. "Laws of the Game". fifa.com. 喺June 6, 2008搵到. 
  5. "IAAF Starting Guidelines" (PDF). 
  6. "AFL Laws of the Game" (PDF). AFL Commission. (原先內容 (PDF)喺May 22, 2012歸檔). 喺October 20, 2012搵到. 
  7. "Laws of badminton". bwfbadminton.org. Badminton World Federation. 第 10–11頁. 喺1 March 2015搵到. 
  8. "Recommendations to technical officials". bwfbadminton.org. Badminton World Federation. 第 8–9頁. 喺1 March 2015搵到. 
  9. "Bandy – Rules of Play". internationalbandy.com. 喺June 10, 2008搵到. 
  10. "International Canoe Polo – Rules of Play". canoepolonz.org.nz. (原先內容喺October 14, 2008歸檔). 喺June 12, 2008搵到. 
  11. 11.0 11.1 "FEI General Regulations" (PDF). fei.org. (原先內容 (PDF)喺July 4, 2008歸檔). 喺September 17, 2008搵到. 
  12. 12.0 12.1 12.2 "FIE Competition Rules". britishfencing.com. (原先內容喺2010年7月16號歸檔). 喺Sep 8, 2010搵到. 
  13. 13.0 13.1 13.2 "Rules of Hockey" (PDF). FIH. 喺November 16, 2016搵到. 
  14. "International Handball Federation – Rules of the Game 2005". ihf.info. 喺June 8, 2008搵到.