羥基

羥基，又叫氫氧基，化學式-OH，係一個官能團。裏面嘅氫同氧用共價鍵連埋一齊，渠係帶極性嘅，因爲氧嘅電負性高過氫。個羥字係新造嘅，由氫同氧兩個字合埋一齊。

無機化合物

硫酸分子。入面連住硫原子嘅兩個-OH基團就係羥基。

無機化合物入面都會有羥基。通常無機嘅含氧酸入面會有，好似硫酸、硝酸等。羥基通常會電離出氫離子，所以有酸性。

有機化合物

有機化合物入面嘅羥基。R代表烷基或者其他嘅有機基團。

羥基算係一種有機官能團。一個烴基連住羥基，就係醇啦。例子有甲醇、乙醇等等。如果喺連著羥基嘅碳上邊有個羰基（C=O基團）嘅話，咁樣渠就係羧酸，有一個-COOH嘅基團（羧基）。

但如果羥基連住芳香環（苯環等）嘅話，咁渠就係酚啦。有酚羥基嘅化合物包括苯酚。