老虎機

出自維基百科,自由嘅百科全書
跳去導覽 跳去搵嘢
老虎機

老虎機係幾乎間間賭場都有嘅賭錢機器,玩家入銀仔、然後拉手掣(或者撳掣),部機會碌出一堆圖案,若果係某啲特定組合,就為之中獎。純機械構造嘅舊款機器,爾家已經好少見。新款嗰啲就冚唪唥係電子嘢,重會收用咭、銀紙同券等等嘅落注。

因為老虎機嘅大獎如果一路無人中,獎金就一直累積上去,所以吸引唔少人想「刀仔鋸大樹」,納個大獎發達。由於入咗嘅銀仔好多時都一去無回頭,好似入咗落老虎個口咁,所以就叫「老虎機」。

喺澳門賭場,來自老虎機嘅糾紛多籮籮,包括顯示中咗巨獎之後職員話唔算數、運作方法可疑兼唔畀人知,有好多次鬧到去政府同埋傳媒[1][2][3]……家陣喺澳門畀人打嘅老虎機,正式名係「角子機」[4]

喺香港亦都有人用老虎機賺錢。雖然法例唔准私人開賭,但係某啲機舖入面有擺老虎機,而又有兑分仔負責將遊戲積分換成真銀,令人哋可以間接賭錢[5]

參考[編輯]

  1. "打老虎機輸五千萬元 浙江女富豪誓告永利". 東周刊. 2009-05-05. 喺2020-10-02搵到.
  2. "老虎機中獎拒賠 兩年133宗". 東方日報 (中文). 喺2020-10-01搵到.
  3. "港女拉老虎機 贏600萬冇得賠". 蘋果日報. 2013-05-16. 喺2020-10-01搵到.
  4. "澳門角子機彩池系統技術標準(第1.0版)" (PDF). 澳門博彩監察協調局. 喺2020-10-02搵到.
  5. "機舖輸身家賭仔都話怕怕啦 - 動新聞". 蘋果日報. 2013-06-18. 喺2020-10-11搵到.

睇埋[編輯]