聖安娜餅屋

聖安娜餅屋（粵拼：sing3 on1 naa4 beng2 uk1）係香港一間賣麵包同西餅嘅連鎖舖，1972年喺香港跑馬地開設第一間餅屋，而家喺香港、廣州同澳門共有超過100間分店共聘員大概有2,400人。

歷史

聖安娜1972年喺香港跑馬地開設第一間餅屋。喺1992年將業務拓展至澳門，並喺2002年進駐廣州。1993年喺香港九龍灣設置大型麵包同西餅嘅自動化生產線，1995年喺深圳設立食品生產中心。

聖安娜控股有限公司喺2000年11月喺香港聯交所主板上市，成為香港第一間上市嘅西餅麵包連鎖舖業務。2007年，聖安娜控股有限公司由利亞零售有限公司全面收購並私有化，成為馮氏零售（前利豐零售）成員之一。

聖安娜餅屋售賣多種麵包，當中唔少係日式麵包，此外亦有售賣蛋撻、蛋糕同西餅。佢哋嘅牛油蛋撻係橢圓形設計，成為呢間公司嘅特色產品。聖安娜餅屋亦推出各種節日產品，例如賀年禮盒、糭同月餅等。