聖經和合本修訂版
| 宗教系列 基督宗教 | |
| |
| 基督教史 基督教發展時序 耶穌基督 耶穌十二門徒 大公會議 大分裂 十字軍東征 宗教改革與更正教 中國基督教 中國基督教史 | |
| 三位一體 聖父 聖子 (神學) 聖靈 | |
| 基督教神學 基督教會 禮拜 聖恩 · 救贖 登山寶訓 十誡 | |
| 聖經 舊約 新約 正典 次經 偽經 和合本修訂版 | |
| 基督教派 天主敎 東正教 聖公宗 新教 東方正統教會 東方亞述教會 基督教運動 | |
聖經和合本修訂版係一本針對和合本進行修訂而成嘅中文聖經譯本，由三十幾位來自中國大陸、香港、台灣、馬來西亞同新加坡等地嘅華人聖經學者用咗27年時間修訂而成，於2010年完成修訂工作並出版新舊約全書。
背景
[編輯]《和合本》聖經需要修訂嘅原因，係由於人類語言不斷演變，中文亦都唔例外，一百年前《和合本》聖經翻譯嗰陣時採用嘅白話文，同我哋今日中文嘅表達習慣同用詞已經有啲出入，所以有修訂《和合本》經文嘅需要。另一個原因係，過去呢五六十年，有一啲新嘅聖經古代抄本同古譯本研究嘅新發現、新亮光，對聖經原文文本有新嘅助證，呢啲都係一百年前《和合本》聖經翻譯嘅時候，譯者所冇嘅資料，所以有必要修訂呢個已經用咗、讀咗九十幾年嘅《和合本》聖經嘅經文。
修訂原則
[編輯]經文修訂根據以下四大原則：
- 盡量少改，由其是一啲名句金句，盡量唔會去修改。
- 保持《和合本》原有文字嘅風格。
- 忠於原文。
- 符合今日中文嘅表達習慣同用字。