耶穌

出自維基百科,自由嘅百科全書
(由耶穌基督跳轉過嚟)
 呢篇文講嘅唔係捷西斯拿華斯捷西斯文多沙
耶穌
姓名原文ישוע
出生日c. 5年 BC 喺Wikidata改呢個
出生地白冷城 喺Wikidata改呢個
死亡日30年4月7號、33年4月3號 喺Wikidata改呢個 (-1993歲)
死亡地各各他 (羅馬帝國喺Wikidata改呢個
死因釘十字架 喺Wikidata改呢個
國籍Herodian Kingdom of Judea 喺Wikidata改呢個
母語Galilean dialect 喺Wikidata改呢個
識嘅語言Galilean dialect、聖經希伯來文、Koine Greek、亞拉姆文 喺Wikidata改呢個
信奉猶太教 喺Wikidata改呢個
母校未知 喺Wikidata改呢個
職業preacher、先知鬭木師傅拉比、thaumaturge、religious leader、healer、默西亞、preacher、先生、father of faith、tektōn、pastor 喺Wikidata改呢個
風格比話 喺Wikidata改呢個
僱主未知 喺Wikidata改呢個
名作耶穌嘅神蹟、prayers of Jesus、耶穌嘅比喻 喺Wikidata改呢個
配偶未知 喺Wikidata改呢個
家族Holy Family、Davidic line 喺Wikidata改呢個
阿爸聖若瑟聖父 喺Wikidata改呢個
阿媽聖母瑪利亞 喺Wikidata改呢個
兄弟姊妹未知、James the Just 喺Wikidata改呢個
宗教系列
基督宗教
基督教史
基督教發展時序
耶穌基督
耶穌十二門徒
大公會議
大分裂
十字軍東征
宗教改革與更正教
中國基督教
中國基督教史
三位一體
聖父
聖子 (神學)
聖靈
基督教神學
基督教會
禮拜
聖恩 · 救贖
登山寶訓
十誡
聖經
舊約
新約
正典
次經
偽經
和合本修訂版
基督教派
天主敎
東正教
聖公宗
新教
東方正統教會
東方亞述教會

基督教運動
耶穌基督(1580年嘅作品)

耶穌粵拼je4 sou1希臘文Ιησούς,前6年至前4年—30年)係基督教教義嘅中心人物,相傳係大衞王嘅後代,阿爸係鬭木佬約瑟天主教譯做「若瑟」),阿媽叫馬利亞(天主教譯做「瑪利亞」),大約生活喺1世紀。

耶穌嘅尊稱叫基督希臘文Χριστός,意思係 「受傅者」),所以喺基督教入面,耶穌又叫做耶穌基督Ιησούς Χριστός / Iēsous Christos),基督徒認為佢係三位一體嘅聖父聖子聖靈之中嘅聖子,又係救世主。由於佢喺拿撒勒長大,因此亦有人叫佢做拿撒勒人耶穌唐時景教譯做移鼠翳數[1],傳入中土嘅摩尼教夷數夷數和東正教又譯伊伊穌斯

佢稱呼自己為神嘅僕人。最後,為咗人嘅罪而死喺十字架上面,並喺第三日復活,成為基督徒成日講嘅永生神。

族譜[編輯]

下面係耶穌嘅族譜[2][3][4]粗體表示重要人物):

亞當 塞特 以挪士 該南 瑪勒列 雅列 以諾 瑪土撒拉 拉麥 挪亞
挪亞 亞法撒 沙拉 希伯 法勒 拉吳 西鹿 拿鶴 他拉 亞巴郎
亞伯拉罕[註 1] 以撒 雅各 猶大 法勒斯 希斯崙 亞蘭 亞米拿達 拿順 撒門 波阿斯 俄備得 耶西 達味
大衛 所羅門 羅波安 亞比雅 亞撒 約沙法 約蘭 烏西雅 約坦 亞哈斯 希西家 瑪拿西 亞們 約西亞
約西亞 耶哥尼雅 撒拉鐵 所羅巴伯 亞比玉 以利亞敬 亞所 撒督 亞金 以律 以利亞撒 馬但 雅各 約瑟 耶穌

生平[編輯]

關於耶穌嘅生平,主要嘅資料主要來源係根據《新約聖經》嘅四福音書,不過喺羅馬帝國時代嘅歷史文獻上就只係有零星嘅側面記載,就係因為咁所以存在住好多相關爭議。

降生成為人[編輯]

內文:耶穌出世

根據路加福音,天使加百列奉神嘅差遺,去到加利利嘅城市,童貞女馬利亞嗰度,同佢預告耶穌嘅降生。但嗰時佢已經同大衛家族嘅約瑟訂咗婚,根據馬太福音,約瑟曾經因為馬利亞嘅肚而想將佢休咗,但因為主嘅使者勸說先至就咁算數。根據路加福音嘅記載,因應當時嘅人口普查,約瑟帶住懷孕嘅馬利亞去婭伯利恆,並喺馬槽度生咗耶穌。

耶穌降生嗰時係有訪客嘅,路加福音有講過牧羊人嘅拜訪,馬太福音就有講東方嘅博士帶住禮物隨住嚟拜訪。當晚,根據馬太福音,約瑟帶住馬利亞同耶穌逃去埃及,直到大希律王死咗之後先至返去以色列,喺拿撒勒度住;根據路加福音,耶穌同父母一直都住喺以色列,並響八日之後行割禮,冇幾耐就返去拿撒勒定居。

耶穌到咗30歲,就接受施洗約翰嘅施洗,並喺曠野接受四十日嘅試探,之後就開始喺故鄉加利利一帶開始佢嘅傳道工作,並喺信徒當中親自揀咗12個人成為十二門徒。

生平事跡[編輯]

耶穌主要嘅生平事跡都記載喺四福音書入面。根據福音書入面嘅記载,佢喺大概公元28年或者29年,喺約旦河受咗施洗約翰嘅水浸禮後,就開始喺成個以色列同猶大傳道,主要係宣揚神的國嘅信息,周圍去醫病同驅鬼,喺傳道嘅過程入面佢不斷指責啲猶太嘅宗教領袖同祭司違背《舊約聖經》入面嘅誡命嘅精神,違背神嘅意志,必定受到神嘅懲罰。當中亦都有挑戰猶太嘅傳統,而宣稱自己係神個仔[5]亦無辦法俾當時嘅人所接受。

但係希伯來聖經(《舊約》)曾經預言到有一個默西亞就快嚟到呢個世上,而且好多以色列人都知道耶穌所在嘅時間正係預言應驗嘅時候,佢哋好盼望以色列嘅救世主嚟到,可以令佢哋擺脫羅馬人嘅奴役。因為咁樣耶穌嘅門徒亦都逐步認識到佢係默西亞。耶穌嘅門徒喺書信中認為,耶穌喺傳道嘅過程中對人嘅體恤同關懷正係反映神對人嘅態度,亦為佢嘅門徒作出榜樣。四福音書入面嘅耶穌提出咗好多崇高嘅道德標準,並且指出,佢嘅門徒應該互相愛護,唔互相敵視同殘殺。佢亦警告門徒提防關於分黨結派等現象。

耶穌喺短短嘅3年半左右嘅時間入面主要喺北方嘅加利利海地區傳道。迦百農係佢主要嘅活動城市。

耶穌嘅史實性[編輯]

耶稣無喺世上留低任何著作。佢嘅事迹同教誨主要留喺福音書入面。

目前學術界對耶穌嘅生平記載有以下睇法[6]

  • 福音書係有關耶穌生平嘅最主要嘅或者唯一嘅記載,喺福音書之外無可靠嘅記載。而伊斯蘭教嘅經典古蘭經入面有關耶穌生平嘅內容,就一如以往咁畀學術界無視,參考吓都唔會。
  • 信唔信耶穌嘅存在,主要取決於喺幾大程度上信福音書嘅記載。

目前入落新約嘅福音書有四篇:《馬太福音》、《馬可福音》、《路加福音》同《約翰福音》,佢哋都畀天主教會認為係耶穌嘅門徒或者門徒嘅門徒寫,不過真實作者嘅身份,目前重未查明,論者認為耶穌門徒都係猶太人,應該用希伯來語作,但係福音書係用希臘文寫成,但係都否定唔到作者捨母語而用當時通行嘅希臘文寫作嘅可能。

[編輯]

  1. 吳昶興 (2015年5月29號). . 基督教學術叢書/論著系列.第11卷. 新北市: 台灣基督教文藝出版社. p. 254. ISBN 978-986-61-3129-5. 在景教寫本《序聽迷詩所經》中曾出現「移鼠」,《一神論》出現「翳數」,皆為「耶穌」一名在唐代的漢譯。
  2. 世紀 五:1-32. 原著喺2014年6月2號歸檔. 喺2013年8月12號搵到.
  3. 世紀 十一:10-26. 原著喺2014年6月5號歸檔. 喺2013年8月12號搵到.
  4. 太福音 一:1-16. 原著喺2013年11月11號歸檔. 喺2013年8月12號搵到.
  5. 路加福音 22:70
  6. 人物專訪:方舟子論基督教方舟子 (新語絲網站)

註解[編輯]

  1. 亞伯蘭之後改咗名做亞伯拉罕