脱毛

出自維基百科,自由嘅百科全書
跳去導覽 跳去搵嘢
女人同男人嘅體毛分佈

脫毛粵拼tyut3mou4),又叫剃毛,係指將體毛連根拔起,效果比剃毛更持久,但係直接拔毛會刺激神經細胞,會有疼痛感覺。一般脫毛之後體毛會喺一至兩個星期重新生返出嚟。有啲美容中心會提供永久脫毛,蠟脫毛通常要做好幾次先有永久脫毛嘅效果。依家利用微創技術或者鐳射可以有效殺死毛囊,令佢唔會生長,達到永久脫毛效果。

脫毛原因[編輯]

脫毛有好多唔同原因,包括文化美容宗教等方面。喺已發展國家同其他大城市,脫毛已經成為一種流行文化,大家所使用嘅方法各有唔同,其中剃毛係最常用嘅方法。

文化方面[編輯]

人類社會基於文化唔同會培養或者除去身體唔同地方嘅體毛,成為一種社會規範。呢啲唔同嘅審美標準適用係男性女性人體上嘅毛髮屬於一種文化審美標準,毛髮嘅存在會觸及社會文化接受性。例如,對大多數傳統社會嚟講,女士喺公眾場合應該只係露出頭髮眼睫毛眼眉毛,但係露出體毛會畀人覺得唔雅觀,又會帶嚟尷尬[1]。喺中東地區,女性除走體毛一直公認為係一種良好衛生習慣,千百年嚟,官員都會頒行相關命令[2]

美容方面[編輯]

未脱腋毛嘅女人
脱咗腋毛嘅女人

正所謂「女為悅己者容」,喺現今社會入面,好多女性覺得脫毛女性會令自己更加吸引同有活力,令到脫毛愈嚟愈普及。20世紀開始,好多女性鍾意着外露嘅,如果好多體毛會認為係唔靚,所以唔少女性會將剃走,例如胳肋底下面同其他地方。其中,美國大多數女性會定期刮走腿部同腋下嘅毛,而大約一半仲會剃到比堅尼線[3]

喺傳統中國文化入面,華人社會係唔會脫體毛。孝經云:「身體髮膚,受之父母,不敢毀傷,孝之始也。」但係隨住社會逐漸西化,女性工作機會愈嚟愈多,為咗增加吸引力,女性脫毛喺華人社會已經變到好流行。香港方面,脫走雙腿同腋下面嘅體毛係最常見,亦係女性幫襯美容院嘅主要原因之一。

宗教原因[編輯]

剃頭係佛教基督教回教耆那教印度教傳統嘅一部分。其中,佛教嘅僧侶更加需要做某種形式嘅剃頭或者剃度。

猶太教方面,男士有一個禁止用剃刀鬍鬚或者鬢角嘅講法。另外,喺直系家庭成員「走咗」之後,無論男女都要喺30日嘅哀悼期內削減佢哋嘅頭髮或者刮鬍鬚

埃及嘅祭司每日都要剃或者脫去所有毛髮,從而畀神一種「純粹嘅」身。

脫毛方法[編輯]

常用嘅脫毛方法大概有兩種,分別係永久脫毛同暫時脫毛。

永久脫毛[編輯]

永久脫毛方法技術日新月異,通常要喺美容院或者醫療場所(醫美診所及醫院醫學美容中心)操作。永久脫毛係以脫毛機產生超高頻振盪信號,形成靜電場,作用係破壞毛髮毛囊,令到毛髮脫走,唔會再生出新毛,達到永久脫毛嘅效果。好處係可以保持長久時間,唔使重複;缺點係會對皮膚有或多或少嘅損傷同刺激,隨住科技進步,呢方面嘅損傷愈嚟愈少。

暫時脫毛[編輯]

暫時脫毛通常可以喺屋企操作,例如用脱毛機或者脱毛膏將毛整走。暫時將體毛脫走可以令到皮膚喺短時間光潔,但係新嘅體毛會好快生返出嚟。

男士脱毛[編輯]

男士胸肌有毛同無毛嘅分別

隨住社會價值觀有所改變,男士脫毛亦變得愈嚟愈普及。當中,職業需要(例如游水選手脱毛可以減低游水時嘅阻力、部分明星尤其係韓國,脱毛可以靚啲同提升形象)、心理需求、方便性同埋衛生亦成為男士脫毛嘅主要原因。

澳洲最大嘅本地醫療美容預約機構Bookwell數據顯示,背脊同膊頭係最受男士歡迎嘅脫毛部位,當中後生男士比較鍾意將胸肌肚皮體毛剃走。喺美容行業發達嘅日本,男土部脫毛比較普遍。當中,日本男性美容院TBC喺2017年為22萬人提供鬍鬚永久脫毛服務。

整體壞處[編輯]

雖然脱毛可以令到皮膚光滑同提升美感,但係亦有機會對身體造成損害,常見情況包括皮膚發炎、輕度燒傷、損傷、留有疤痕、毛髮向內生長、顛簸同埋令到毛囊受感染。

另外,某啲脱毛方法唔係永久性,會導致醫療問題同永久性損壞,或者成本會好高。其中部分方法更加係處於試驗階段,仲未得到臨床實證。

睇埋[編輯]

參考[編輯]

  1. Heinz Tschachler, Maureen Devine, Michael Draxlbauer; The EmBodyment of American Culture; pp 61–62; LIT Verlag, Berlin-Hamburg-Münster; 2003; ISBN 3-8258-6762-5.
  2. Kutty, Ahmad (13/Sep/2005) Islamic Ruling on Waxing Unwanted Hair 互聯網檔案館歸檔,歸檔日期2008-02-13. Retrieved March 29, 2006
  3. "Shaving". Marzena. 原著喺2012-03-28歸檔. 喺August 14, 2011搵到. Unknown parameter |dead-url= ignored (help)
收嘅係,而唔係維基百科內容。
呢類唔應該有第啲頁(例如文章)。
點樣將模加入呢個分類

要將模加入呢個分類,係嗰個模嘅底部加入下面嘅代碼︰

<noinclude>
[[脱毛|{{PAGENAME}}]]
</noinclude>
如果您喺嗰個模底部加入上面嘅代碼,記住要確認有冇用 <noinclude> 作為呢段代碼嘅開頭,而且要放喺嗰個模原始代碼嘅最後一行。如果違反上面嘅規則,某啲模可能會嚴重咁失去作用。