自卑情結

出自維基百科,自由嘅百科全書
Jump to navigation Jump to search

自卑情結粵拼zi6 bei1 cing4 gik3英文inferiority complex德文Minderwertigkeitskomplex)係阿爾弗雷德·阿德勒英文Alfred Adler提出嘅個體心理學英文classical Adlerian psychology裡面嘅概念,爾個概念源自弗洛伊德嘅精神分析。佢指嘅係一種認為自己喺某方面達唔到標準或者比唔上人哋嘅感覺。爾種感覺通常係潛意識嘅,而且有可能會引起兩種極端反應:一係喺另外一個方面過分追求完美(心理學上稱為過度補償),另一種就係對自己認為唔掂嗰方面一味逃避,包括造成社交孤立。

自卑情結同自卑英文self-abasement有聯繫,又有唔同。「自卑」講嘅係一個人喺個別時間個別事件上嘅特定反應。如果一個人喺某一方面持續遭遇失敗或者俾人笑,佢喺嗰方面嘅自卑感就會逐漸強化,有可能發展成自卑情結。

近年來,隨著日本文化嘅傳播,有人會喺中文道借用日語詞「れっとうかん」來描述自卑情結。