自由式

出自維基百科,自由嘅百科全書
Jump to navigation Jump to search
自由式

自由式游水比賽嘅其中一個項目,規則由國際泳聯總會制定。自由式嚴格嚟講唔係一種游水姿勢,自由式競賽嘅規則幾乎係冇任何限制。大多數運動員喺自由式比賽都係用捷泳,因為呢種泳式阻力細、速度均勻同游得快。好多人都成日將「自由式」同「捷泳」搞亂,自由式嘅意思係參賽者可以用「任何姿勢」。但係混合式比賽嘅自由式,一定要用蝶式背泳蛙式以外嘅姿勢。

比賽規則[編輯]

喺自由式比賽,參賽者可以進行任何泳式,但係喺個人四式同四式接力嘅項目,游自由式嗰陣唔可以游背泳、蛙式或蝶式。當轉身或到達終點嘅時候,自由式參賽者可以用身體任何部份掂池邊。