航天歡樂世界

從大觀中路望過去航天奇觀，重可以望到園區入面嘅火箭同宇宙飛船。

荒廢咗嘅航天歡樂世界大門口，喺2015年12月29號影。

 航天歡樂世界（粵拼：hong4 tin1 fun1 lok6 sai3 gaai3） ，簡稱航天奇觀（hong4 tin1 kei4 gun1），係中國廣東廣州嘅一間冇咗嘅遊樂場，位置喺而家天河區黃村嘅奧體北邊隔籬，1997年10月開業，2011年12月執笠。

史

公園喺1996年11月由黃村當地農民自己出錢起，1997年10月起好重試業，同年11月正式開業。開業期間10幾年嚟，佢同深圳嘅世界之窗、廣州嘅世界大觀一齊咁把炮。後嚟因為經營問題，令大多數場館設施缺少維護而逐漸衰落。2011年12月正式停業。

航天奇觀執咗之後，政府將佢納入政府土地，從而變成駕校嘅練習場同倉庫。嗰年規劃重話咗嚿地皮會做文化創意產業。

傳聞

2015年聖誕節期間，國規委挂出航天奇觀會用嚟做傳媒用地同文化創意主題公園，以為航天奇觀會重新開返，但實際上，廣東廣播電視台喺2016年1月25號嘅拍賣會以16.75億人民幣嘅成交價買咗嚿地返嚟，將來會打造成影城。