芒果布甸係一種用芒果同奶製品做主要材料嘅啫喱，係香港流行嘅甜品之一。材料包括芒果、魚膠、砂糖、鮮忌廉或淡奶、鮮奶等，溝埋後唔使蒸煮，雪凍幾個鐘就整好。
雖然呢種甜品算係西式甜品嘅一種，但喺香港嘅中式酒樓流行、普及，而家香港嘅各種有規模嘅食肆多數都有得賣，日本、台灣等地亦已經普及。喺西方國家，芒果布甸而家係被視為發源自香港嘅一種東方甜品。
傳統上，部分酒樓會喺整嗰時加入生雞蛋，不過近年因為禽流感問題，因此唔會加入生雞蛋。
芒果布甸
