芬蘭-烏戈爾語族

芬蘭-烏戈爾語族用家分佈

芬蘭-烏戈爾語族（英文：Finno-Ugric）係烏拉語系嘅語族，呢個語族散佈喺東歐同周圍嘅某啲地區，比較出名嘅成員有匈牙利文、芬蘭文同愛沙尼亞文等等。

佢哋唔屬印歐語系，但佢哋歷史上同歐洲嘅眾印歐語言有緊密嘅接觸，因而有唔少特性似歐洲印歐語言。

特徵

睇埋：文法格

芬蘭-烏戈爾語族喺文法格方面幾唔尋常。佢哋出嗮名有極豐富嘅文法格，例如芬蘭文嘅名詞有 15 隻文法格，而匈牙利文嘅名詞就有 18 隻格。

匈牙利文另外唔同嘅係唔用屬格表示擁有，而係好似聖經希伯來文咁，係被擁有嗰樣嘢變格：

• 英文用屬格嘅話，係喺擁有者嘅名詞度加後綴－例如 John 指阿莊，而 John's 指阿莊嘅...－擁有者嗰隻名詞後面加咗 's 呢橛後綴，
• 匈牙利文就會喺被擁有嗰樣嘢度加後綴－例如 alma 係指蘋果，而 Péter almája 係指彼得個蘋果－留意到，為咗表示「擁有」而變樣嘅，係 alma（蘋果）唔係 Péter（彼得）。

... 呀噉。