英布（？—前195年），秦國揚州九江六縣（安徽省六安市）人。由於受過墨刑（黥刑，粵拼：king4 jing4），因此又名黥布。喺項羽進軍咸陽、攻打關中嗰時，英布去到函谷關（家下河南省靈寶縣）打敗咗漢王劉邦嘅軍隊。當時擁有十萬兵力嘅劉邦，只得退居於壩上（陝西省西安市西北一帶）。
西元前206年，項羽流放楚義帝之後，暗中命英布殺死。楚漢戰爭時期，由項羽封九江王。戰爭結束以後，正式宣告投降。佢喺漢朝初期做淮南王，而且同韓信、彭越共稱漢初三大名將。
漢高祖十一年（西元前196年），英布起兵造反畀劉邦打敗。逃亡嗰陣，反畀假意幫手嘅長沙王吳臣號令鄉民殺死。