鴻門宴

鴻門宴
係一個	擺酒
日期	206年 BC
參與人	項羽、劉邦、范增、項莊、項伯、張良、樊噲
共享類	維基同享中有關Feast at Swan Goose Gate嘅同享資源
鴻門宴嘅位置
[改維基數據]

  想搵2022年頭香港一單事件嘅話，請睇洪為民生日派對事件。

鴻門宴係發生於西漢初期（西元前206年十二月）嘅一場政治事件，地點響咸陽郊區新豐鴻門（家下陝西省西安市臨潼區）一帶。

背景

西元前206年，劉邦發兵舉事於武關（陝西省商洛市丹鳳縣），攻入關中、佔領咸陽。子嬰投降之後，秦朝滅亡。於是劉邦約法三章，廢除苛法嚴刑同圍堵楚軍。當時項羽嘅兵力有四十萬人，劉邦同項羽按照楚義帝嘅約定，表示「先入關中者為王」。後尾劉邦先入關中，仲派兵守住函谷關（河南省靈寶縣西南）。英布去到函谷關以後，打敗咗劉邦嘅軍隊。跟住劉邦退守到灞上（陝西省西安市西北一帶），只得十萬兵力。

事件原因

曹無傷嘅手下同項羽宣稱劉邦自立秦王嘅計劃，而且打算擁立子嬰做宰相。項羽怒火中燒，佢決定聽日兵分四路將劉邦消滅。不過范增認為劉邦入關以後，亦都未試過任何雞鳴狗盜之事。因此判定劉邦絕非池中之物，要佢小心。另一邊廂，項伯開始擔心老友張良嘅安全。因此決定涉險夜探張良，要佢走先。不過張良忠心護主，並未接受。

劉邦明白佢哋兩人之間嘅關係非比尋常，打算搵項伯埋手；佢以兄之禮相待項伯，應承雙方結為親家，而且保密今晚所有嘅一切。喺張良嘅建議之下，項伯返到軍營表示咗劉邦嘅態度，希望項羽可以手下留情。

宴席開始

聽日，劉邦嚟到項羽嘅部隊同佢見面。宴會期間，范增多次暗示項羽展開行動。項羽始終不為所動，因此未有留意。范增之後交待項莊耍劍，打算喺呢度刺殺劉邦。不過當佢快將貼近目標嗰陣，多次受到項伯嘅阻止。此時張良離開一陣，令手下通知樊噲入席。

樊噲強行闖入，𥄫（粵讀：Gap9）實項羽。項羽攞劍長跪（文言：按劍而跽，粵拼：on3 gim3 ji4 gei6），問佢來歷。張良話佢嘅身分，係劉邦嘅參乘（粵拼：caam1 sing4） 。講完，項羽即刻命人賜酒同一塊豬頸肉。樊噲唯有一口飲晒，跟住將肉擺埋盾上用劍砌下而大啖。項羽問佢：「你飲唔飲得？」

最終項羽同劉邦講明今次所有一切，完全係佢手下曹無傷一人主導嘅。

結果

酒宴未完，劉邦響如廁嗰陣暗中逃去。佢返到部隊之後，下令將曹無傷斬死。

影響

劉邦使用以退為進嘅方式，先將關中嘅兵權交畀項羽。楚漢戰爭開始，項羽自封西楚霸王，棄關中定都彭城（江蘇省徐州市）以主力反擊漢軍。劉邦、樊噲慘敗之後退守到滎陽（河南省鄭州市），一年之後大敗項羽。喺垓下之圍當中（家下安徽省宿州市靈璧縣），項羽兵敗烏江（家下安徽省巢湖市和縣） 自刎而死。

楚漢戰爭結束，劉邦大獲全勝，建立漢朝、定都長安。佢為咗報答項伯嘅救命之恩，賜項伯姓劉，封射陽侯。

出面網頁

• 《史記•項羽本紀》 - 中國哲學書電子化計劃