英聯邦運動會
英聯邦運動會（英文：The Commonwealth Games）係英聯邦國家每四年舉辦一次嘅運動會。呢個運動會首次舉辦喺1930年，當時佢叫大英帝國運動會（The British Empire Games）。1954年改叫大英帝國英聯邦運動會（British Empire and Commonwealth Games），又喺1970年改叫不列顛英聯邦運動會（British Commonwealth Games），然後响1978年換成而家嘅英聯邦運動會（The Commonwealth Games）。
除咗奧運會嘅熱門運動項目，英聯邦運動會嘅運動項目方面亦包含咗一啲流行於英聯邦國家嘅項目例如草地滾球、七人橄欖球同無網籃球。目前，一共有53個英聯邦國家同71個隊伍參與呢個運動會。英聯邦運動會嘅運動員人數通常高達5000人。呢個使到英聯邦運動會係其中最多運動員參與嘅國際運動盛會之一。
英國嘅4個組成部分—英格蘭，蘇格蘭，威爾斯同北愛爾蘭—都派出各自嘅嘅隊伍參加英聯邦運動會，重有一啲英國皇家屬地例如，安圭拉島，澤西島，曼島同一啲英國海外領地地區都派出各自獨立嘅嘅代表團參賽。
只有六支代表隊曾參加全部歷屆以來嘅英聯邦運動會：澳洲、加拿大、英格蘭、紐西蘭、蘇格蘭及威爾斯。
起源
[編輯]以一個運動競賽嘅方式團結大英帝國嘅各個成員，呢個構思最初係由阿斯特利·曲琶（Astley Cooper）先生喺1891年形成嘅，佢喺《泰晤士報》上發表咗一篇文章，內容建議話「如果每四年舉辦一次泛大不列顛同泛安圭拉嘅競賽同埋節日可以促進大英帝國成員之間嘅親善友誼同相互理解」。
響1911年，大英帝國節喺倫敦舉辦，節日係為咗慶祝加冕嘅佐治五世國王。節日中都舉辦咗一場帝國內嘅競標賽，參賽嘅隊伍包括澳洲、加拿大、南非同埋英國，比賽項目包括打拳、摔角、游水同埋田徑。
響1928年，加拿大人咩·馬斯·（波比）·羅便臣（Melville Marks (Bobby) Robinson）邀請籌劃咗第一屆嘅大英帝國運動會，兩年後喺加拿大安大略省嘅咸美頓正式舉辦咗第一屆賽事。
抵制
[編輯]英聯邦運動會同奧運會一樣，亦曾受到政治抵制。
- 尼日利亞響1978年愛民頓英聯邦運動會前就因為新西蘭同南非種族隔離時代南非嘅運動關係而抵制當年嘅英聯邦運動會。
- 戴卓爾夫人政府反對制裁南非，幫助南非白人種族主義政權抵抗國際壓力最後使到英聯邦59個成員中嘅32個來自非洲，亞洲同加勒比海地區嘅國家同地區聯合抵制1986年蘇格蘭英聯邦運動會，喺1974年，1982年同1990年都因為南非問題英聯邦成員國示意要抵制運動會。
歷屆運動會一覽
[編輯]| 第幾屆 | 年份 | 舉辦城市 | 主辦國 |
|---|---|---|---|
| 第1屆 | 1930年 | 咸美頓 | 加拿大 |
| 第2屆 | 1934年 | 倫敦 | 英格蘭 |
| 第3屆 | 1938年 | 悉尼 | 澳洲 |
| 第4屆 | 1950年 | 奧克蘭 | 紐西蘭 |
| 第5屆 | 1954年 | 温哥華 | 加拿大 |
| 第6屆 | 1958年 | 卡迪夫 | 威爾斯 |
| 第7屆 | 1962年 | 珀斯 | 澳洲 |
| 第8屆 | 1966年 | 京士頓 | 牙買加 |
| 第9屆 | 1970年 | 愛丁堡 | 蘇格蘭 |
| 第10屆 | 1974年 | 基督城 | 紐西蘭 |
| 第11屆 | 1978年 | 愛民頓 | 加拿大 |
| 第12屆 | 1982年 | 布里斯班 | 澳洲 |
| 第13屆 | 1986年 | 愛丁堡 | 蘇格蘭 |
| 第14屆 | 1990年 | 奧克蘭 | 紐西蘭 |
| 第15屆 | 1994年 | 維多利亞 | 加拿大 |
| 第16屆 | 1998年 | 吉隆坡 | 馬來西亞 |
| 第17屆 | 2002年 | 曼徹斯特 | 英格蘭 |
| 第18屆 | 2006年 | 墨爾本 | 澳洲 |
| 第19屆 | 2010年 | 德里 | 印度 |
| 第20屆 | 2014年 | 格拉斯哥 | 蘇格蘭 |
| 第21屆 | 2018年 | 黃金海岸 | 澳洲 |