英雄紀念碑

國家英雄紀念碑（英文：National Monument；馬來話：Tugu Negara）係一個為咗紀念第二次世界大戰同喺馬來亞緊急狀態殉職嘅軍人而建立嘅雕像。佢喺馬來西亞首都吉隆坡馬來西亞國會大廈附近，亦係世界上最高嘅獨立青銅雕塑品。每年8月31號國家紀念日，馬來西亞最高元首、首相以及軍方同警方領袖都會嚟敬獻花環，向逝去嘅英雄表達敬意。

國家紀念碑佔地4萬8562平方尺，分4個範圍，分別係戰爭紀念柱、英雄紀念碑、噴泉同回廊。

紀念碑公園

時任馬來西亞首相納吉阿都拉薩喺2016年月正式宣布將同國庫控股合作，耗資6億5000萬將國家紀念碑後面嘅綠肺改造成一個熱帶雨林公園（Taman Tugu）。