茂琴·譚保

出自維基百科,自由嘅百科全書
Jump to navigation Jump to search
茂琴·譚保
Malcolm TurnBull (6707569587).jpg
職務: 自由黨領袖
任期: 2015年9月14號 - 2018年8月24號
前任: 東尼·艾保德
繼任: 史葛·莫理遜
職務: 澳洲總理
任期: 2015年9月15號 - 2018年8月24號
前任: 東尼·艾保德
繼任: 史葛·莫理遜
生日: 1954年10月24號
出生地: 新南威爾斯州雪梨

 茂琴·巴賴·譚保粵拼mau6 kam4 baa1 laai6 taam4 bou2英文Malcolm Bligh Turnbull英文讀音:[ˈmælkəm blaɪ ˈtɜːnbʊl]1954年10月24號—)係第29任澳洲總理,同自由黨領袖。譚保做呢個位之前係擊敗咗響2015年9月嘅自由黨領袖表決嘅東尼·艾保德,佢帶住現任嘅自由國家聯盟政府響2016年7月2號星期六嘅聯邦選舉對標·索頓嘅反對黨工黨。

譚保讀雪梨大學之前讀過雪梨文法學校,修讀過藝術學位同埋法律學位。譚保之後入過牛津大學布雷齊諾斯學院去讀公民法律學位。響入議會之前做過記者、律師同埋商行銀行家,做埋高盛嘅管理家同埋主席。佢係一個白手興家嘅多重富翁,響1994年用五十萬買咗Ozemail,之後響1999年科網股爆破之前用五千七百萬賣咗佢啲股份。之後到依家個淨資產有成兩億,響BRW Rich 200榜上有名。

譚保響1981年嘅自由黨預選同埋2001年聯邦選舉試選過,響2004年嘅聯邦選舉度就透過新南威爾斯嘅溫和度選出眾議院嘅一個位。響2007年就做咗賀華德嘅內閣成員,佢嗰陣做環境同水大臣。響2007年聯邦選舉輸咗之後,譚保做過自由黨領袖表決,但就比三票輸咗俾班頓·尼遜。之後就響2008年嗰一次以四票贏咗佢做咗阿頭同埋反對黨領袖。譚保響嗰陣時就響自由黨內部都有唔同嘅意見,就好似氣候變化,共和化同埋婚姻平權。譚保支持陸克文政府嘅減排炭污染計劃造成咗分化,響2009年嘅自由黨領袖表決嗰陣,艾保德以一票之差贏咗譚保。當初佢想離開議會,但就響2013年聯邦選舉擊敗咗工黨之後做咗響艾保德政府嘅通訊大臣。

響2015年9月14號,響艾保德政府嘅民意持續低下嗰陣,譚保就響自由黨領袖表決嗰陣挑戰艾保德,最後以十票之差贏咗佢。譚保又再一次做返自由黨嘅阿頭,限住之後嗰日做埋首相,組成譚保內閣。響民意嗰度頭嗰幾個月都處於蜜月期,直至到4月開始嗰陣,譚保開始得到負面嘅滿意淨值。之後嘅技票意向都好緊湊,響嗰陣時兩黨都不相上下,但係政府響選舉日之前嘅四次兩黨投票意向就0.5-1%些微帶頭。

出面網頁[編輯]

前任:
東尼·艾保德
自由黨領袖
2015年9月14號 - 2018年8月24號
繼任:
史葛·莫理遜