茅崗 (廣州)

廣東省 > 廣州市 > 黃埔區 > 魚珠街道 > 茅崗行政村

茅崗（粵拼：maau4 gong1），亦寫茅岡，係中國廣東廣州嘅地名，喺珠江主航道北邊。而家屬黃埔區魚珠街道，亦係呢個街道唯一嘅行政村，轄倉下、頂崗、東福、和貴（和貴、城門）、井愛（井頭、愛蓮、北聚）、坑田、坑頭、沙井程、沙井黃、石崗、塘口、西華、江貝、元貝、九沙等自然村。

名

條村因舊時係個山崗，上邊生咗好多茅竹得名。

史

大宋紹興年間，彭文峯由番禺蓼涌鄉（而家番禺區羅邊附近）搬來開村；去到嘉定年間，周氏祖先由湖南道州縣（而家湖南省永州市道縣）搬來番禺，娶咗彭家個女，落籍番禺茅岡鄉。