草暖公園

草暖公園嘅靚景

草暖公園（粵拼：cou2 lyun2 gung1 jyun2）係中國廣東省廣州市嘅一間比較出名嘅公園，喺越秀區環市西路差唔多解放北路嗰頭，先賢清真寺同廣州蘭圃北門嘅對面，廣州火車站嘅東邊隔籬。呢間公園喺1987年春天起好，佢重係廣州有史以嚟，第一間有歐陸風格嘅自然園林公園。

名

呢間公園嘅名出喺唐朝嘅詩人——李賀寫嘅《出城寄權璩楊敬之》嘅「草暖雲昏萬里春，宮花拂面送行人。」呢句詩嘅「草暖」呢兩個字嚟做名。

敘述

呢間公園嘅佔地面積係13400㎡，全開放式佈局。入面將花園嘅風貌結合咗城市嘅區街，配合咗園林草地、樹木、花叢同埋建築、噴泉，重結合咗燈光同植物而組成咗幅靚嘅色彩、流暢嘅線條、節奏比較梭符嘅園林式靚景。尤其係公園入面嘅主樓，比較高嘅屋尖完全係映嗮成間公園嘅靚景。喺1987年春開放之後一直到而家俾好多中國人同鬼佬都讚過佢嘅。

史

2004年底到2011年中暫停開放

内文：廣州地鐵5號綫

喺2004年底為咗畀地鐵快啲開通5號綫嘅關係先至將間公園閂門，直到2010年7月先至按返之前原嚟嘅樣嚟起，直到2011年5月份先至重新開放。

2017年12月15號暫停開放

内文：廣州地鐵11號綫

喺2017年12月15號，為咗畀地鐵快啲開通11號綫嘅關係先至將間公園閂門。期間重喺2018年3月19號開挖，將公園近住馬路嗰一大堆地皮改成巴士總站。