先賢清真寺
| 先賢清真寺 | |
|---|---|
| 中華人民共和國 全國重點文物保護單位 | |
 | |
| 喺邊 | 廣東省廣州市 |
| 類 | 古建築 |
| 時代 | 唐 |
| 登錄 | 2013年 |
| 地圖 | |
 | |
先賢清真寺（粵拼：sin1 jin4 cing1 zan1 zi2；阿拉伯文：مسجد حكماء）係中國廣東省廣州市入面嘅一間伊斯蘭教嘅清真寺，喺越秀區環市西路嘅草暖公園對面。呢間嘢重可以講得係廣州五大伊斯蘭聖地入面嘅其中一笪地。
名
[編輯]其實呢度係伊斯蘭教嘅創始人——穆罕默德嘅舅父——宛葛思嘅墳墓。佢喺公元629年從阿剌伯地區嚟廣州度傳教，喺佢就快死嗰陣，教徒就問佢死咗之後葬響邊，而宛葛思就話我把箭㹃到邊就係我死響嗰度。佢講完之後就眯埋對眼嚟㹃支箭出去，而教徒搵到支箭嗰陣就係後嚟葬宛葛思嗰度。而個名最先係「清真先賢古墓」。[1]
結構
[編輯]呢個墳墓係西亞嘅阿剌伯式建築，出面嘅圓中間係空嘅，好似個懸鐘噉。而陵墓有門口可以入去都得，室內啱好就係宛葛思嘅墳墓，而啲人就成日喺墓室入面讀經，而且重鬼咁大聲到好似個音箱播DISCO音樂噉，所以呢度成日俾人話成「響墳」。而呢個墓地有1077平方米咁大，而建築面積有1860平方米。[2]而響墳隔籬重有41個墳墓響度。
所謂「卌一墳」
[編輯]喺唐貞觀年間，嗰時有40位波斯（而家係阿剌伯地區嗰帶）佬嚟咗廣州搞傳教。嗰時伊斯蘭教係規定咗一世要搞掂「五功」，其中有一功就係話每日喺規定5個時間入面要搞禮拜，而且次次禮拜都要好好心噉拜佢，唔畀話埋嗮啲鬧杘人哋啲嘢同埋唔冇俾外界影響。喺嗰日，有卌位仙賢喺度搞緊禮拜嗰陣有位賊佬入咗嚟，話要打劫，巖嗮啲錢出嚟。而賊佬就喺逐個教徒度搵嗮啲錢出嚟，重半位都唔放過添。而賊佬就嬲到眼火爆，因為佢搵唔到1銅錢出嚟，就掹把刀出嚟猛咁斬嗮啲先賢，而未死嘅先賢就重喺度繼續搞禮拜，冇做過任何反擊同走佬嘅動作。而賊佬殺嗮40位先賢之後就掟低把刀，就戾低咗喺地下，就自己話佢哋都冇乜對唔住佢，點解要殺嗮佢哋？！不過點匿都冇得匿喇，佢拎返成噼血嘅刀就自殺。
而後人先埋咗卌位仙賢嘅鹹魚之後，重將賊佬條鹹魚都埋喺隔籬，之後噉就搞咗「卌一墳」出嚟喇。
附近嘅交通
[編輯]同佢有關嘅書籍
[編輯]- 俗话广州 第150—151页 广州出版社 ISBN 7-80655-150-6/K·18
註
[編輯]