萬寶集團

出自維基百科,自由嘅百科全書
Jump to navigation Jump to search
萬寶集團
Wanbao
類型 電器公司
成立 1984年
總部地址 Flag of the People's Republic of China.svg 中國廣東廣州從化
鰲頭鎮旗桿村城鰲大道東1228號
產品 整家電同製冷設備

萬寶集團粵拼maan6 bou5 zaap6 tyun4)係中國大陸嘅龍頭企業,1984年成立,總部喺廣東廣州從化鰲頭鎮旗桿村。佢主要負責整家電同製冷設備為主。

佢係中國大陸家電行最早同最有規模嘅家電制冷設備同產品研發製造中心之一,曾經同日本松下電器日立三井物產、及德國嘅Electrolux做過經濟合作。尤其佢間廠出嘅雪櫃喺廣東珠三角地區非常之出名。

[編輯]

呢間集團初期係由廣州家用電器一廠廣州第二輕工機械修配廠組成。早期因為猛咁出雪櫃重喺兩年後引入中國大陸以外嘅雪櫃生產線而大批量出產。1980年,廣州家用電器一廠改名做廣州空調器廠兼引入冷氣生產線嚟整冷氣;同年,廣州第二輕工機械修配廠改名做廣州冰箱廠兼大批量出產中國大陸第一代家用雪櫃。四年後,廣州空調器廠同廣州冰箱廠、廣州冷櫃廠三廠合併,變成廣州電冰箱工業公司出雪櫃、冷氣、雪條櫃。同年亦引入中國大陸第一條雪櫃壓縮機生產線而成立廣州市電冰箱壓縮機廠整壓縮機;重收購咗嗰時廣州冰箱工業公司同廣州電冰箱工業公司合併。1年後,企業改名成萬寶電器。合併後三年,由於佢猛咁出壓縮機,產量亦成為中國大陸最高銷售量嘅公司兼成為嗰時世界雪櫃產業八強之一。1991年同松下電器、三井物產搞合作,喺白雲區人和、廣州市區、番禺形成咗三大生產基地;隨後喺1995、1998、1999先後組建咗冷氣、雪櫃、家電控股等公司。直到2000年,三家集團組建成為而家嘅萬寶集團

出面網頁[編輯]