葵青橋
| 葵青橋相關資料 | |
| 路段總長度 | 0.64公里 |
| 車速限制 | 70km/h |
| 所在地區 | 香港新界西 |
| 起點 | 葵青區葵涌 |
| 終點 | 葵青區青衣 |
| 通車日期 | 1999年7月26號 |
| 收費 | 免費 |
葵青橋（又叫青衣複製橋，青衣複製南橋）係香港一條為咗增大青衣大橋嘅流量而起嘅複製橋，亦係拓展署繼1987年落成青荃橋後，喺呢區完成嘅第二條跨海大橋，耗資13億港幣。
葵青橋位於青衣大橋旁邊，全長640米，其中兩個喺航道上嘅跨度各長122米，畀船隻通過。大橋響1999年7月26號落成啟用，同時青衣大橋關閉作維修，當時所有車都要經通往九號貨櫃碼頭嘅公路，兜一個圈先可以前往葵青橋嘅葵涌方向，並分兩個U形轉彎處：上段（私家車、小巴等小型車）、尾段（巴士、貨櫃車等大型車），往青衣方向就唔受影響，呢個安排直至青衣大橋重開後取消。
葵青橋嘅落成，係為咗配合九號貨櫃碼頭落成後增加嘅交通流量。
葵青橋係採用一種名為「外預應力系統」嘅特別建造技術起。呢種預應力系統係將預應力鋼束安放響橋身嘅中空位置，而唔係收藏響混凝土中。咁樣嘅設計令鋼束嘅維修同檢查都較前方便，大大提高葵青橋長遠嘅運作效益[1]。