青衣大橋

出自維基百科,自由嘅百科全書
Jump to navigation Jump to search
青衣大橋相關資料
路段總長度 0.61公里
車速限制 70km/h
所在地區 香港新界西
起點 葵青區葵涌
終點 葵青區青衣
通車日期 1974年2月28號
收費 免費
青衣大橋舊石。條橋就響佢右邊。
左起:長青橋、青衣大橋及葵青橋
青衣大橋底部

青衣大橋(Tsing Yi Bridge)係香港一條高架嘅跨海大橋,響正藍巴勒海峽上面,連住青衣島東岸山腰,同埋響葵涌醉酒灣填地附近青洲個山腰。條橋係島上面幾間大公司夾份起嘅,響1974年2月28日由港督麥理浩開幕。起好之後就交畀香港政府,由政府出錢起埋其餘嘅路。自從青衣北橋起好之後,條橋又多個名叫南橋。日常生活中,市民普遍將兩條橋合稱做南橋,而兩橋同時係葵青路嘅組成部份,只係行車方向唔同。

不過,青衣大橋同葵青橋並唔係同時通車。響葵青橋落成之前,青衣大橋一直都係雙程行車;直到1999年,葵青橋通車,青衣大橋就改為只往葵涌方向。

橋身[編輯]

青衣大橋全長610米,離海面高度26米,有兩綫行車道同埋兩邊行人路。

[編輯]

青衣大橋嘅落成,係為咗配合荃灣新市鎮青衣部份嘅發展。1970年代起,青衣開始發展,而且響該島設置加工場嘅石油公司推動下,香港政府決定起青衣大橋。大橋響1974年2月28號落成啟用,耗資1700萬港幣。當時香港總督麥理浩爵士主持開幕儀式。

1987年,青荃橋(青衣北橋)落成,減輕當時青衣大橋(青衣南橋)長期塞車嘅情況。因為北橋落成,1989年2月到1990年4月,青衣大橋可以封閉做第一次維修,當時要間歇性全綫封閉。

之後響1999年12月到2000年7月期間,路政署趁青衣大橋並排嘅青衣複製橋落成,同青衣大橋做第二次維修,拉直橋面。之後青衣複製橋負責入青衣方向,而青衣大橋負責葵涌方向。

2007年6月15號,運輸署將青衣大橋嘅車速限制放寬到每小時70公里[1]

[編輯]

  1. 政府憲報