蒙古話
| 蒙古話 | |
|---|---|
Монгол хэл | |
| 發音 | /ˈmɔɴɢɔ̆ɮ çiɮ/ |
| 用嘅國家、地區 |  中華人民共和國 吉爾吉斯 蒙古 俄羅斯 |
| 區域 | 蒙古 俄羅斯布里亞特共和國 吉爾吉斯伊塞克湖州 中國內蒙古、遼寧、吉林、黑龍江 |
| 講嘅人口 | 520萬[1] |
| 系屬 | （阿爾泰語系）有爭議
|
| 文字 | 蒙古字母（蒙古、中國） 西里爾字母（蒙古、俄羅斯） 八思巴文（古代） |
| 官方地位 | |
| 官方語言 | 蒙古 中國內蒙古自治區同其他中國蒙古族自治州 |
| 管理機構 | 無 |
| 語言代碼 | |
| ISO 639-1 | mn |
| ISO 639-2 | mon |
| ISO 639-3 | 各項代碼: mon 一般蒙古話 khk 喀爾喀蒙古話 mvf 周邊蒙古話 |
蒙古話係蒙古嘅話，屬阿爾泰語系蒙古語族，有好多方言，主要分咗中部方言、西部方言（衛拉特文）、北部方言（布里亞特文）同埋東部方言（科爾沁-喀喇沁）。
分佈
[編輯]滿清由東到西蠶食內蒙後，又由南到北蠶食咗整個蒙古本部，跟著就以大漠做界分出咗「外蒙古」與「內蒙古」，仲規定啲人唔可以越界放牧，呢個就係近現代前內外蒙形成嘅由來。
分支
[編輯]現代蒙古話嘅方言土語，根據返研究係可以分成三大類，就係以內外蒙嘅分片做基礎：
- 內蒙古、外蒙古嘅本土類型方言土語。
- 青海、甘肅、新疆同蒙古國西部嘅西部類型（衛拉特類型）方言土語。
- 呼倫貝爾、蒙古國北部嘅北部類型（布里亞特類型）方言土語。
而由歷史度講，蒙古話下邊嘅方言土語可能仲多種類。現代散居各地嘅仲有唔少係保留咗古部落名，好似係乃蠻部、克烈部、札剌亦爾部、兀良哈部、郭爾羅斯部等等，啲住民有唔少人都係呢啲部落嘅後裔，而渠地原本語言嘅樣貌就經已好難辨認到[2]。
通用嘅情況
[編輯]中國大陸
[編輯]內蒙古自治區建立後，近現代統計係有近八成人口唔係蒙古人。到1988年為止，據計有近八成嘅蒙古人係以蒙古話做母語，到2020年左近呢個比數就跌到大概六成倒[3]。
教育推廣
[編輯]中華人民共和國
[編輯]中共建政前係撐內蒙等民族地區嘅自立，出於一路統戰嘅利益而催生咗建政後民族自治地方嘅雙語教育制度。1963年中共內蒙古自治區黨委、人民委員會喺蒙古王烏蘭夫嘅主持下，頒發咗《關於加強民族文教衛生工作的若干規定》，提出實施「民族語文、民族教育、民族文化、民族衛生工作」四位一體嘅措施體系。其中最重要嘅部分就係雙語教學制嘅構想──喺内蒙嘅自治區建立「漢語授課」（一般中小學）同「蒙語授課」（民族中小學）兩個獨立嘅學校系統，而且都可以一路由幼稚園讀到博士[4]。
不過由1980到1995年間，內蒙古嘅民族學校小學少咗1,409間，中學就少咗142間；而用蒙古話教書嘅學生佔少數民族學生嘅比例，小學同中學分別跌到去23.7％同20.2％。而單喺1997年就有232間用蒙古話教書嘅學校俾人殺校或者轉做其他類型嘅學校，大部分轉咗用普通話嚟教書[3]。
睇埋
[編輯]攷
[編輯]- ↑ Estimate from Svantesson et al. 2005: 141.
- ↑ 三、现代蒙古语的主要方言[失咗效嘅鏈] 方言志-蒙古语卷 内蒙古自治区地方志编纂委员会办公室
- ↑ 3.0 3.1 四、近期內蒙古漢語教材抗爭事件觀察 政治大學民族系副教授藍美華主稿 中華民國大陸委員會
- ↑ 萌展／擴大漢語授課「動搖國本」：內蒙古為何爆發保護母語示威潮？ 2020-09-08 報導者 The Reporter