蔚山
35°33′N 129°19′E / 35.550°N 129.317°E
| 蔚山 | ||||||||||||||||
|---|---|---|---|---|---|---|---|---|---|---|---|---|---|---|---|---|
| Ulsan montage.png 蔚山市貌 | ||||||||||||||||
| 韓文名 | ||||||||||||||||
| ||||||||||||||||
| 簡稱 | ||||||||||||||||
| ||||||||||||||||
| 概況 | ||||||||||||||||
| ||||||||||||||||
| 位置 | ||||||||||||||||
 蔚山喺韓國嘅位置 |
蔚山（蔚讀鬱，粵音：wat1 saan1；韓文漢字：蔚山，諺文：울산，文觀部式拼音：Ulsan）[1]正式名叫蔚山廣域市，係韓國東南部嘅城市，係面臨日本海嘅埠頭，位於釜山北面70公里處。
蔚山係韓國重要嘅大工業區，叫做蔚山工業區。蔚山有兩支波隊，一個係K聯賽足球會蔚山現代，一個係韓國國家足球會蔚山現代尾浦造船。蔚山嘅高校有蔚山大學。
史
[編輯]古代
[編輯]三韓時代屬辰韓，西南部地方有于尸山國。中部地方形成咗屈阿火村。新羅時代蔚山畀幾個縣郡分治：中部係屈阿火縣，西部係居知火縣，西南部係于火縣，東北部係律浦縣，南部係生西良郡。統一新羅時代時，757年屈阿火縣、居知火縣、于火縣、律浦縣分別改名爲河曲縣、巘陽縣、虞風縣、東津縣。
中古
[編輯]高麗時代時，940年河曲、東津、虞風三縣統合、升格爲興麗府（又有名叫興禮府）。995年高麗全國分割成499個縣，興麗府降爲恭化縣，花名叫鶴城。1018年恭化、巘陽、機張、東萊四縣統合爲蔚州，1143年東萊、機張、彥陽又分出去。李氏朝鮮時，1413年蔚州升爲蔚山郡，蔚山呢個名開始作為當地地名。
近世
[編輯]1598年蔚山郡、彥陽縣統合升格爲蔚山都護府，1612年彥陽縣又分出去。1895年朝鮮全國政區改編爲23府336郡，蔚山都護府改叫蔚山郡、彥陽縣改叫彥陽郡。
1910年日殖期間，蔚山發展成工業城市、捕鯨基地；1914年彥陽郡合併到蔚山郡，1931年蔚山面升格爲蔚山邑，1937年方魚津面升為方魚津邑。
現代
[編輯]大韓民國成立後，韓戰期間北韓軍隊一度逼近蔚山。
韓戰結束後韓國工業騰飛，1962年2月1號將蔚山邑（家下中區）、方魚津邑（家下東區）、大峴面（家下南區）、下廂面（家下北區南部）、青良面嘅斗旺里、凡西面嘅無去里同茶雲里、農所面（家下北區西北部）嘅松亭里同花峰里合併成蔚山特別工業區。
當年6月1號蔚山特別工業區升格爲蔚山市，其餘13個面改叫蔚州郡。1985年蔚山市搞區制，設咗中區同南區；1988年方魚津地方升為東區。1991年蔚州郡改名蔚山郡，1995年蔚山郡合到蔚山市，改編爲蔚州區；1997年蔚山市升爲蔚山廣域市，新設咗個北區，蔚州區復爲蔚州郡。
政區
[編輯]轄4區1郡：
姊妹城市
[編輯]
日本萩市（1968年）
中華民國花蓮（1981年）
美國柯利近省砵崙（1987年）
中華人民共和國長春（1994年）
土耳其伊茲密爾（2002年）
巴西桑托斯（2002年）
越南慶和省（2002年）
俄羅斯托木斯克（2003年）
註、攷
[編輯]
- ↑ 蔚係通假字，通鬱，蔚山轄下嘅地名有蔚州，可查粵語審音配詞字庫個蔚字。另外可引鑑嘅係韓文讀音，蔚山讀울산/Ulsan，韓文漢字音保存咗中古漢音，後世演變中入聲尾-t有部分字音變成-l，而粵語無噉變；另，越南文該地名嘅漢越音讀Uất Sơn，亦可引證，具體可查越文版維基。
