蔡明禧
蔡明禧（Daryl Choi），花名「蔡仔」，香港泛民主派政治人[1]、前公民黨員，喺2019年香港區議會選舉參選西貢翠林選區，當選成為西貢區議員。
政治生涯
[編輯]佢曾經係公民黨嘅成員，喺2019年3月退黨，本來無再諗住從政，但係因為香港修例風波，令佢決定參選2019年香港區議會選舉[2]，迎戰前新民黨成員譚領律[3]。喺香港修例風波入面，一度出現超過200萬人遊行反對逃犯條例修訂草案，但係親中派仍然支持修訂，因而選情大受困擾，蔡明禧最終當選[4]。
在任區議員期間，蔡明禧關注區內維修同埋交通議題[5]，亦不時喺Facebook向居民提供關於區內武肺疫情嘅資訊。
2021年，由於呂文光劈炮，蔡明禧因而做咗西貢區議會副主席。
事件
[編輯]翠林邨業主法團改選前夕被親中派法團恐嚇
[編輯]蔡明禧所屬選區內嘅將軍澳翠林邨，本來應該喺2020年3月舉辦業主周年大會改選法團，但因為武漢肺炎疫情拖延去到2021年1月。但係改選前夕，挑戰現任法團嘅「翠林是我家」（翠家）團隊收到現屆法團委員葉紹寧同1名自稱黑社會人士嘅死亡恐嚇，蔡明禧嘅議員助理仲收到佢哋偷拍嘅大頭相，以粗言穢語威脅蔡明禧佢哋停止為翠家助選。蔡明禧之後報警求助。翠家團隊喺接受《香港獨立媒體》採訪嘅時候，批評現任法團無建樹，喺邨內維修事宜表現唔理想，拒絕公開管理同清潔公司招標書詳情，又隱瞞財政透支[6]。
參選第7屆香港立法會選舉
[編輯]2021年，蔡明禧喺第7屆香港立法會選舉入面，參選新界東南選區地區直選，結果以6,718票落選。
參考
[編輯]- ↑ 〈候選人簡介〉。www.elections.gov.hk。原著喺2019-11-28歸檔。喺2021-01-07搵到。
- ↑ 〈【區選埋位】有人因修例風波激發參選 有建制派臨陣退黨〉。《Now 新聞》 (香港中文)。喺2021-01-07搵到。
- ↑ 〈【重奪區議會】西貢區候選人名單全面睇！立場比拼一文睇清｜壹週刊〉。《壹週刊》 (香港中文)。原著喺2021-01-08歸檔。喺2021-01-07搵到。
- ↑ 〈當選區議員名單〉。www.info.gov.hk。喺2021-01-07搵到。
- ↑ 陳淑霞 (2020-09-23)。〈將軍澳隧道巴士轉乘站10月2日啟用 入將軍澳轉車最多慳5.1元〉。《香港01》 (香港中文)。喺2021-01-07搵到。
- ↑ 〈翠林邨居民組隊挑戰連任6屆法團 助選義工遭威脅停止宣傳 | 獨媒報導〉。《香港獨立媒體網》。喺2021-01-07搵到。