蔥抓餅
蔥抓餅，或者叫手抓餅，係一種而家喺台灣同大陸流行嘅傳統小食。因為製作過程中會用手將餅皮抓起，令餅皮睇落比較鬆散，所以喺台灣就叫做「蔥抓餅」。蔥抓餅同蔥油餅嘅材料同做法都幾似，但最大嘅分別係蔥抓餅嘅餅皮會用手或者工具抓鬆，食落有膨鬆嘅口感，而且可以加蛋或者芝士做內餡或者其他配料一齊食。由於蔥抓餅嘅做法簡單，材料容易準備，係一款又快又方便嘅熱食，所以有啲屋企會買餅皮返屋企整，喺夜市同超級市場都有賣蔥抓餅皮。[1] [2] 。
歷史
[編輯]起源係山東，係未有「蔥抓餅」呢個名之前，佢叫做「油旋」。[3] 。
2004年嘅時候，蔥抓餅係台灣嘅煙仔虎灣夜市變成左潮流小食——手抓餅，第二年由台灣引入去中國大陸。手抓餅有好多唔同嘅配搭，例如：雞蛋、叉燒、牛肉、香腸、雞排、煙肉、火腿、雞柳、蔬菜等等，仲可以配唔同嘅醬料，好似醬爆汁、孜然香辣醬、茄汁、麻辣汁、甜辣醬、甜味沙律醬、黑椒醬、排骨醬等等。
做法
[編輯]首先係麵粉裏面加適量嘅砂糖、鹽同其他調味料，然後加水搓成麵糰，鬆弛大約30分鐘。之後將麵糰分成等量，再桿成適當厚度嘅麵皮，搽上少少油、灑上蔥花同芝麻，再鬆弛多30分鐘。最後將麵皮桿開成薄片，用平底鑊煎到兩面金黃色，趁熱將餅皮拍鬆再抓散，就食得㗎啦。
演變
[編輯]蔥抓餅係台灣好受歡迎嘅街頭小食，佢嘅起源可以追溯到台灣早期嘅街頭美食文化。蔥抓餅係用薄薄嘅麵餅，加上蔥花，經過油煎而成，原本以原味為主。隨住時間推移，蔥抓餅嘅口味變得越嚟越多元化，以滿足唔同食客嘅需求。 以下係幾種常見嘅蔥抓餅口味演變：
原味蔥抓餅、蛋蔥抓餅、芝士蔥抓餅、辣味蔥抓餅、酸菜蔥抓餅、甜味蔥抓餅……
隨住市場需求不斷改變，蔥抓餅亦加入咗好多創新嘅口味，從傳統嘅鹹味到更豐富多變嘅組合，令呢道經典小食變得更加吸引人。
原味蔥抓餅作為台灣街頭小食嘅經典之一，歷史悠久，口味簡單，主要材料包括麵粉、蔥花同少量調味料（例如鹽同油）。雖然原味蔥抓餅嘅基本做法長期以嚟受到好多人喜愛，但隨住時間推進，佢嘅製作過程、口感同食用方式都經歷咗一定嘅變化。原味蔥抓餅嘅製作方式係先將麵團擀開，撒上蔥花，再將麵團拉扯捲起，最後係油鍋入面煎炸，直至外皮金黃酥脆。呢個版本簡單又有咬口，食落去外脆內軟，蔥香味濃郁。
總括嚟講，原味蔥抓餅雖然係形式同口味上保留住傳統嘅風味，但係現代社會多元化嘅需求下，佢嘅口感同製作方式都逐漸衍生出更多可能性，令呢道傳統小食可以不斷適應新嘅飲食潮流同文化背景。[4]
同蔥油餅嘅分別
[編輯]蔥油餅——係指油餅入面加咗蔥。
抓餅——係屬於地道嘅北方麵食。係中國早期，由於氣候同環境嘅影響，北方人嘅飲食以小麥製成嘅食物為主，例如饅頭、包子同麵，而抓餅就係小麥製品嘅另一種延伸食品。講到同抓餅屬於同一類嘅北方代表性麵食，一定係非「烙餅」莫屬。
烙餅係將麵糰擀成扁平圓形，然後用文火乾烙（唔加油或者淨係加少量油）。加熱完成後，用手將餅擠壓成細絲狀，呢啲細絲就有啲似幼身嘅乾麵條，再配搭啲肉、菜之類嘅配菜一齊食用。
而抓餅就係由烙餅演變而嚟嘅創意改良現代食品，重點係層次感同酥脆感。不過，抓餅同烙餅係同門出身，北方抓餅、南方抓餅甚至台式抓餅，因為唔同嘅創意，製作方法同口感亦有所唔同。
蔥抓餅——顧名思義，係指加入蔥嘅抓餅。
油餅係用含豐富油脂嘅麵糰製成，唔重視層次感，而係著重麵體嘅油香同鬆軟口感。
如果簡單咁區分蔥油餅同抓餅，蔥油餅係唔需要拍打或者擠壓出層次感，就可以食到產品嘅風味。而抓餅就一定要經過擠壓同拍打，先可以呈現佢原有嘅多層次口感，咁先至係抓餅嘅特色所在。[5]
相似食品
[編輯]薄餅類：
- 義大利薄餅（Pizza）
- 饃饃，又叫薄餅，一般會夾上北京填鴨一同食用
- 潤餅（Popiah），又稱薄餅，風行福建、台灣、東南亞等地
- 法國薄餅（Crêpe），又稱手捲班戟
- 印度甩餅（Naan）
- 墨西哥捲餅（Tortilla）
參見
[編輯]參考文獻
[編輯]- ↑ 〈大連美團外賣店被揭爛腳踩米線顧客︰太惡心！ on.cc東網-2018年7月3日〉。原著喺2018年7月3日歸檔。喺2018年7月8日搵到。
- ↑ 〈存档副本〉。原著喺2018年7月8日歸檔。喺2018年7月8日搵到。
- ↑ 〈山东美食记：油旋和甜沫，就是济南府小吃的一对门神 搜狐-2018年6月30日〉。原著喺2018年7月8日歸檔。喺2018年7月8日搵到。
- ↑ https://www.smile.21tw.net/index.php?route=product/product&product_id=149
- ↑ 亞美客服部。〈蔥油餅與蔥抓餅有何不同？〉。《亞美傳統美食宅配網》。亞美食品。喺2024-12-18搵到。