薩爾圖區
46°35′36.1″N 125°05′15.9″E / 46.593361°N 125.087750°E
「薩爾圖」跳轉到呢度。想搵其他用法，請睇「薩爾圖 (搞清楚)」。
| 薩爾圖區 | |
|---|---|
| 明細 | |
| 普通話拼音 | Sartu |
| 所屬省級政區 | 黑龍江省 |
| 所屬地級政區 | 大慶市 |
| 政區類別 | 市轄區 |
| 成立 | 1974年7月2號[1][2] |
| 政府駐地 | 東安街道[3]薩爾圖大街路北[1] |
| 首長 | 陳興平[4] |
| 面積 | |
| - 全部 | 548 km2（212 sq mi）[5][6] |
| 街道辦事處數目 | 9[7] |
| 人口（2012） | 45萬（15萬流動人口）[6][5] |
| 本地生產總值（2013） | 190億[5]人民幣 |
| 郵政編碼 | 163001[3] |
| 電話區號 | 0459[3] |
| 車牌 | 黑E |
| 時區 | 本地時區：UTC+9 |
| 網站： 薩爾圖區政府 | |
薩爾圖區（粵拼：saat3 ji5 tou4 keoi1）係中國黑龍江大慶嘅市轄區，位於市區東北部[3]。面積548km²[6]，人口45萬[5]。佢係大慶嘅金融、政治、經濟、文化、交通中心，亦係大慶市政府嘅駐地[3]。佢嘅原油年產量佔大慶油田總產四分一，不過而家佢嘅經濟發展第三產業，主要有商貿、金融、物流、服務外包、旅遊、中介、文化娛樂。大慶嘅緊要交通設施亦響度，比如長途巴士站、大慶火車站、薩爾圖機場[8]。
名
[編輯]- 傳統蒙文：ᠰᠠᠷᠠᠲᠤ，中蒙聯合轉寫：saratu，內蒙標準口語音標：[sɑrt]。意思係「有月光嘅地方」。遊牧業係日頭放牧，夜晚要看守畜牲，有月光就光啲方便看守，所以牧民鍾意月光。「薩爾」（sara；[sɑr]）解月光，「圖」（tu；[t]）係名詞派生成形容詞嘅詞尾，合埋意思就係「有月光嘅」。
- 傳統蒙文：ᠰᠠᠯᠬᠢᠲᠤ，中蒙聯合轉寫：salxitu，內蒙標準口語音標：[sælxt]。意思係「風沙大嘅地方」。因為呢帶春天時經常刮五六級大風，吹起地下沙塵，所以噉叫。「薩爾」（salxi；[sælx]）解做風，「圖」同樣係派生詞尾，合埋意思就係「有風嘅」。
另外重有種講法話係「泥沼、濕地」。有資料話，當地最早蒙古文講法係「薩勒墾圖」，當地原本係蒙古人遊牧地，屬哲里木盟杜爾伯特旗，由哈布圖哈爾後裔阿都齊管轄，阿都齊死咗後，清太宗將杜爾伯特旗畀佢個仔做世襲封地，後來蒙古文嘅「薩勒墾圖」變成滿文嘅「薩勒圖」。沙俄修築中東鐵路時佔有鐵路沿綫土地，喺當地設站時，用咗「薩勒圖」個名，因爲俄文音變捲咗脷，於是變成「薩爾圖」[9]。
史
[編輯]清代時呢度係蒙古哲里木盟杜爾伯特旗固山貝子嘅遊牧地。1903年7月，東清鐵路通車，鐵路沿綫畀沙俄劃做「中東鐵路附屬地」。1905年呢度放荒開墾。1906年2月，設安達廳，薩爾圖受安達廳第二區管轄。1913年，安達廳改爲安達縣，呢度改爲縣嘅西鄉管轄。1945年後屬縣嘅第三區，1951年10月，薩爾圖街改爲薩爾圖鎮。1955年3月，第三區改爲薩爾圖區（高過鎮嗰級），1956年4月，徹區，個鎮由縣直轄。1958年9月，薩爾圖鎮、三發鄉、紅色草原牧場合併成紅色草原人民公社。1960年5月，改名爲薩爾圖公社，兼且安達縣變成安達市（縣級市），當年12月設薩爾圖區[1][2]。
1965年12月28號安達市（安達特區）嘅人民委員會由天泉區移駐薩爾圖，並且將佢區改鎮（縣級鎮），即係薩爾圖鎮[1]。1969年3月，薩爾圖一度改名紅旗鎮[10]。1974年7月2號恢復爲薩爾圖區[1]。1978年1月27號，讓胡路區併入到薩爾圖。1979年7月16號，薩爾圖分出部分，同綏化地區安達縣畀嘅另外一部分合成安達市大同區。1980年3月10號，從薩爾圖度恢復返讓胡路，兼且析出部分成立紅崗區，當年4月定咗今日嘅轄區[5][10]。
大慶油田帶喐咗城市發展之後，薩爾圖就成為大慶市嘅一個區，而昔日嘅薩爾圖火車站變成咗大慶站。
政區
[編輯]薩爾圖原先轄9條街道，喺2013年搞政區改革，9條街道變爲14個社區，原先46個社區改爲51個居委會[11]。
- 原先嘅街道[7]：薩爾圖街道、鐵人街道、友誼街道、富強街道、擁軍街道、會戰街道、火炬街道、東風街道、東安街道
- 而家嘅社區[11]：北辰社區、東風社區、會戰社區、薩爾圖社區、擁軍社區、登峰社區、富強社區、火炬社區、鐵人社區、友誼社區、東安社區、格林社區、綠園社區、萬寶社區、春雷農業開發總公司
攷
[編輯]- ↑ 1.0 1.1 1.2 1.3 1.4 1.5 〈薩爾圖區歷史沿革〉。行政區劃網。2012年11月15號。喺2014年10月4號搵到。
- ↑ 2.0 2.1 〈薩爾圖區〉。行政區域網。喺2014年12月6號搵到。
- ↑ 3.0 3.1 3.2 3.3 3.4 〈薩爾圖區概況地圖〉。行政區劃網。喺2014年12月6號搵到。
- ↑ 〈組織領導〉。薩爾圖區政府。原著喺2015年3月17號歸檔。喺2015年10月1號搵到。
- ↑ 5.0 5.1 5.2 5.3 5.4 〈總體簡介〉。薩爾圖區人民政府。原著喺2014年7月29號歸檔。喺2014年10月3號搵到。
- ↑ 6.0 6.1 6.2 〈自然地理〉。薩爾圖區人民政府。原著喺2014年7月29號歸檔。喺2014年10月3號搵到。
- ↑ 7.0 7.1 〈2013年統計用區劃代碼：薩爾圖區〉。中華人民共和國國家統計局。2013年8月31號。喺2014年10月3號搵到。
- ↑ 〈縣區概況〉。大慶市政府。2015年6月24號。原著喺2016年3月14號歸檔。喺2015年10月2號搵到。
- ↑ 〈薩爾圖〉。大慶地情網。喺2015年10月2號搵到。
{{cite web}}: CS1 maint: url-status (link) - ↑ 10.0 10.1 〈歷史沿革〉。薩爾圖區人民政府。原著喺2014年7月29號歸檔。喺2014年10月3號搵到。
- ↑ 11.0 11.1 〈行政區劃〉。薩爾圖區人民政府。原著喺2014年7月29號歸檔。喺2014年10月3號搵到。
| |||||||||||