大慶
46°35′21.6″N 125°06′13.4″E / 46.589333°N 125.103722°E
想搵第二個意思嘅話，請睇大慶 (搞清楚)。| 大慶 | |
|---|---|
| 大庆市 | |
 大慶廣播電視塔 | |
| ---- | |
| 簡稱：大 | |
| 花名：中國油城 | |
| 舊名：安達 | |
| 標語：愛國 創業 求實 奉獻 | |
.png) 大慶位置圖 | |
| 經緯度 | |
| 國 |  中華人民共和國 |
| 省 | 黑龍江 |
| 地級政區 | 地級市 |
| 轄下一級政區 | 5區、3縣、1自治縣 |
| 轄下二級政區 | 31個鎮、27個鄕[1] |
| 設市時間 | 1960年5月26號 |
| 市長 | 何忠華 |
| 市委書記 | 韓立華 |
| 政府駐地 | 薩爾圖區世紀大道 |
| 地理 | |
| 總面積 | 2.1萬[1] km² |
| 市區面積 | 5105[2] km² |
| 城市化率(2018) | 57.7[2]% |
| 海拔 | 146 m |
| 人口 | |
| 總人口(2018) | 320萬[2] |
| 戶籍人口(2018) | 272.8萬[4] |
| 市區(2018) | 191.36萬人[2] |
| 人口密度 | 152人/km² |
| 民族 | 漢族（主要民族）[3] 蒙古族（最大少數民族）[3] |
| 官方語言 | 普通話、蒙古文（杜爾伯特） |
| 本地語言 | 東北官話、蒙古話（杜爾伯特） |
| 註 | 人口密度計自明細中嘅總人口同總面積數據。市區人口計自總人口乘常住人口城市化率。 |
| 經濟 | |
| GDP(2018) | 2801.2億元人民幣[4] |
| 人均GDP | 9.8萬元人民幣（2018年）[5] |
| 時間 | |
| 時區 | 本地時區（UTC+9） |
| 識別信息 | |
| 電話區號 | 0459[6] |
| 郵政編碼 | 163311[6] |
| 車牌 | 黑E |
| 政區代碼 | 230600[6] |
| 網站： 大慶市政府 | |
大慶（粵拼：daai6 hing3；普通話拼音：Daqing）喺中國黑龍江省，家下係地級市，叫大慶市。2018年大慶總人口320萬人[2]，市區常住人口191.36萬人（2018年）[2]，主要民族係漢族，少數民族有40個比如滿族、蒙古族、朝鮮族、回族、達斡爾族[3]，其中蒙古族係最大嘅少數民族，黑龍江省約51%嘅蒙古族人口集中喺大慶[3]。總人口密度152人/km²，市區人口密度375人/km²（據明細數據計出）。
史
[編輯]清初係蒙古杜爾伯特旗嘅遊獵地，一直有定居嘅村。1897年沙俄起中東鐵路時，呢度設薩爾圖站。1904年放荒招墾，村、屯就多起身。1906年正月喺靠近中東鐵路安達站嘅任民鎮（蒙古杜爾伯特旗同黑龍江將軍屬地嘅交界位）設安達撫民府，又叫安達廳[7]。「安達」（on1 daat6）取名自安達站，轉音自當地地名「諳達店」，「諳達」係蒙古話諧音，意思係「老友」，亦有講法話車站起噉嘅名係祝願旅客安康順達。
1913年2月安達廳改為安達縣。滿洲國時薩爾圖改叫興仁鎮。1946年恢復薩爾圖個名。1947年中共政權喺薩爾圖一帶起咗幾個牧場，1955年合併為紅色草原牧場，當年松遼石油勘探局喺安達縣大同一帶探石油。
1959年9月26日，經探測發掘，高臺子附近嘅松基三井噴出石油，因為當時重有4日就係中華人民共和國成立十週年嘅國慶，發現咗呢個中國第一處油田，覺得好值得慶賀紀念，就將呢個油田定名做大慶油田，後來呢個油田嘅產業新興出座石油城。大慶市名就係源自呢個油田。
1960年5月26號安達縣同肇州嘅一部分合成安達市[8][9]，市人民委員會駐安達鎮，屬松花江專區；當年10月松遼石油會戰指揮機關搬去薩爾圖。
1964年6月23號，因爲石油開發，撤銷安達市，改設安達特區，不過爲咗保密，對外重嗌安達市。當時就已經諗住將安達縣同安達市（即係安達特區）分開管理[8]。1965年3月27號，安達市縣分離，油區從縣度劃出[8]。當年12月28號，安達市改爲省直轄（地級）[10][11]。1979年12月14號安達市改名大慶市，爲黑龍江省轄市。
政區
[編輯]| 大慶政區圖 | |
|---|---|
|
大慶有9個縣級政區，其中有5個市轄區、3個縣、1個自治縣。 |
轄下變動年表
[編輯]安達市（1965年—1979年）
[編輯]- 1965年12月28號，綏化專區嘅安達市升爲地級市，轄龍鳳鎮、薩爾圖鎮、讓胡路鎮（3鎮）。
- 1974年7月2號搞區制，分別變成龍鳳區、薩爾圖區、讓胡路區。（3區）
- 1978年1月27號，讓胡路區併入薩爾圖區。（2區）
- 1979年7月16號，薩爾圖區一部分同綏化地區安達縣一部分合併成大同區。（3區）
大慶市（1979年至今）
[編輯]- 1979年12月14號，安達市改名大慶市。
- 1980年3月10號，分薩爾圖區一部分成立讓胡路區、紅崗區。（5區）
- 1992年8月21號，齊齊哈爾市嘅林甸縣、杜爾伯特蒙古族自治縣，綏化地區嘅肇州縣、肇源縣劃咗畀佢。（5區3縣1自治縣）
註
[編輯]- ↑ 1.0 1.1 〈區劃人口〉。大慶市政府。2015年6月3號。原著喺2015年5月5號歸檔。喺2016年4月3號搵到。
- ↑ 2.0 2.1 2.2 2.3 2.4 2.5 〈大慶市情〉。《大慶市政府》。原著喺2021年11月3號歸檔。喺2019年2月6號搵到。
- ↑ 3.0 3.1 3.2 3.3 〈人口 民族〉。大慶地情網。喺2016年4月3號搵到。
{{cite web}}: CS1 maint: url-status (link) - ↑ 4.0 4.1 〈2018年大慶市國民經濟和社會發展統計公報〉。《大慶市政府》。2019年3月6號。喺2020年3月17號搵到。
{{cite web}}: CS1 maint: url-status (link) - ↑ 〈富裕和諧的幸福城市〉。《大慶市政府》。2018年7月3號。喺2019年2月6號搵到。
{{cite web}}: CS1 maint: url-status (link) - ↑ 6.0 6.1 6.2 〈大慶市概況地圖〉。行政區劃網。2012年11月15號。喺2016年4月3號搵到。
- ↑ 廳係清時一種政區，設喺新開發區或者特殊地方，分爲直隸廳（二級政區，屬省）同散廳（三級政區，屬州、府）。當時闖關東嘅華北漢人源源不斷入東北，鐵路沿線吸引好多漢人移民，成為開發區。
- ↑ 8.0 8.1 8.2 〈安達市歷史沿革〉。行政區劃網。2013年2月21號。喺2014年10月4號搵到。
- ↑ 後來1965年3月27號分出部分恢復咗安達縣，嗰時有安達市、以及隔離嘅安達縣。1984年安達縣改爲縣級市安達市，此時有地級嘅大慶市（1979年改名）同隔離縣級嘅安達市。
- ↑ 〈大慶市歷史沿革〉。行政區劃網。2012年11月15號。喺2014年10月4號搵到。
- ↑ 按照維基百科嘅年表，大慶嘅前身係安達，源於清時安達廳、民國時安達縣，喺中共建制後有一段時間維持省轄縣嘅地位，1956年3月5號劃入嫩江專區，1960年5月12號劃入松花江專區，5月26號成個安達縣同肇州嘅一部分合併爲安達市，1965年3月27號安達市分出部分重置安達縣（自此安達縣同日後嘅大慶市呢兩個政區正式分離），1965年6月14號松花江專區恢復個名爲綏化專區，亦係當年12月28號安達市昇爲地級，脫離綏化專區。
