藍田站後備行車隧道

出自維基百科,自由嘅百科全書
跳去導覽 跳去搵嘢

藍田站後備行車隧道香港港鐵觀塘綫一段唔再用嚟日常行車嘅路軌。

呢段路軌原本係觀塘綫藍田站接駁去東區海底隧道嘅軌道。自從將軍澳綫喺2002年8月投入服務之後,觀塘綫改用調景嶺站做總站,失去咗過海綫嘅資格,呢段軌道失去咗日常運作嘅用途。但當年地鐵公司並無將佢拆走,而將佢保留同改名做「藍田站後備行車隧道」。

呢段路軌最大特色,係喺原茶果嶺苗圃附近嘅軌道屬露天部份,乘客可以望下車外景色。

呢段路軌做咗後備行車隧道後,港鐵公司已經減少保養,日常只係做維修同後備行車線,同埋將車速限制降到50公里/小時。