蘋果公司

出自維基百科,自由嘅百科全書
(由蘋果集團跳轉過來)
跳去: 定向搵嘢
蘋果公司
Apple, Inc.
蘋果公司標誌
公司類型 公開(NASDAQAAPL
市場資料 {{{market_information}}}
成立時間 加利福尼亞州1976年4月1號
總部地點 加利福尼亞州庫比提諾
郵政編號 {{{zip_code}}}
電話號碼 {{{telephone_no}}}
重要人物 添曲, CEO
喬布斯, 前CEO
Timothy D. Cook, COO
Peter Oppenheimer, CFO
Philip W. Schiller, SVP Marketing
Jonathan Ive, VP Industrial Design
口號 Switch
產業 電腦硬件
產品 Mac OS X
iMac
PowerMac
PowerBook
MacBook
MacBook Pro
iBook
iPod
Apple Cinema Display
Mac mini
Xserve
AirPort
QuickTime
iLife
iWork
資本金 {{{capital}}}
營業額 82.79億美元$-22314億
2004年財政年度)
稅前盈餘 {{{operating_income}}}
淨利 {{{net_income}}}
員工人數 14,800(2005年
結算期 {{{accounting_period}}}
母公司 {{{parent}}}
子公司 {{{subsid}}}
網站 www.apple.com
{{{footnotes}}}

蘋果公司(英文:Apple, Inc.),2007年1月9號前叫蘋果電腦公司(英文:Apple Computer, Inc.),總部位於美國加利福尼亞州嘅庫比提諾,核心業務係電腦科技產品,目前全球市場佔有率係3.8%。

蘋果電腦嘅Apple II1970年代助長個人電腦革命,其後由Macintosh1980年代接力並持續發展。最出名嘅產品係佢出品嘅Apple II、Macintosh電腦、iPod數碼音樂播放器同埋iTunes音樂商店,佢喺高科技企業之中以創新聞名。

歷史[編輯]

簡史[編輯]

早期嘅蘋果電腦,Apple IIc

成立前[編輯]

喺佢哋一齊創立蘋果電腦前,沃茲已經係一個電子學嘅駭客,由1975年開始,佢喺HP返工同埋幫斯蒂夫·喬布斯設計Atari電子遊戲。當時沃茲向由Alex Kamradt開設嘅分時電腦系統服務公司Call Computer租用小型電腦嚟用。嗰陣時嘅電腦只能夠用紙張印字輸出,而由德州儀器推出嘅Silent 700喺當時最尖端嘅熱昇華印字機型號。沃茲曾經睇到大眾電子學雜誌(Popular Electronics)介紹點樣自製電腦終端機,使用現成嘅零件,沃茲設計咗一部能夠同電腦溝通嘅電傳印字機。呢部只可以印出大階英文字元嘅印字機可以印出每版24行,每行40個字,而且能夠接駁到Call Computer旗下嘅小型電腦使用。Call Computer 嘅老闆Alex Kamradt代理咗呢個設計,並售出少數目嘅機器。

由1975年起沃茲開始出席家釀電腦俱樂部(Homebrew Computer Club)嘅活動,當時新型嘅微型電腦好似Altair 8800同IMSAI觸發沃茲將微型處理器內置喺佢嘅電傳印字機裏面,成為一部完整嘅電腦。

當時喺市面上可以搵到嘅微型處理器只有179美元嘅英特爾(Intel)8080同170美元嘅摩托羅拉(Motorola)6800。沃茲較鍾意6800,不過兩個都超出咗佢嘅預算範圍。所以佢只可以透過觀察同學習,喺紙上設計電腦,並等待可以買得起處理器嘅嗰一日。

1976年,MOS Technology發表淨係要$25美元嘅著名處理器6502之後,沃茲為呢粒處理器編寫咗一個BASIC程式語言版本,再設計一部可以運行呢種BASIC程式語言嘅電腦。由於6502同埋6800都係由同一班人設計(因為MOS Technology係由Motorola嘅前僱員成立嘅),故此沃茲早前喺紙上設計,建基於6800嘅電腦,只需要作出輕微修改就可以使用6502作為微型處理器。 沃茲整完部機之後,將佢帶去家釀電腦俱樂部嘅聚會,並向電子同行展示佢嘅系統。喺嗰度,佢遇到老朋友斯蒂夫·喬布斯。喬布斯意識到呢啲細小嘅業餘機器嘅商業潛力。

蘋果點嚟[編輯]

1990年嘅蘋果電腦,Macintosh Classic

喬布斯同埋沃茲兩人決定成立公司,佢哋諗咗好幾個名,喬布斯有次旅行返嚟之後向沃茲建議將公司命名為蘋果電腦。

早期[編輯]

1971年,16歲嘅斯蒂夫·喬布斯同埋21歲嘅斯蒂夫·沃茲尼亞克(「兩個斯蒂夫」)經朋友介紹而結識。1976年,喬布斯成功說服沃茲裝配機器之餘更拎去推銷,佢哋另一位朋友,朗·韋恩(Ron Wayne)亦加入,三人喺1976年4月1號組成蘋果電腦公司。

同年5月,喬布斯同一間本地電腦商店The Byte Shop洽商,負責人話如果呢部電腦完全裝配好至會有興趣。店主Paul Terrell考慮得更長遠,佢想訂購50部,並喺交貨時畀每部$500。攞到呢份訂單之後,為咗籌備資金,出售自己各種值錢嘅嘢籌款(好似電腦同一部福士麵包車)。喬布斯向大型電子零件分銷商Cramer Electronics訂零件,舖頭嘅信用部經理問喬布斯點樣埋數,佢話:「我有一份Byte Shop向我訂50部電腦嘅訂單,付款條件是貨到至畀錢,如果你畀我30日付款期,我可以喺付款期限之內將電腦裝配好,送貨畀泰瑞爾後再畀晒帳款。」嗰名經理致電當時正喺太平洋樹林市出席IEEE電腦討論會嘅Terrell查詢。Terrell對喬布斯嘅堅韌感到驚訝,並向經理確實訂單話如果喬布斯送貨畀佢嘅話,喬布斯肯定夠錢畀。佢哋三人同兩名朋友借用喬布斯屋企人嘅車房日以繼夜裝配同進行馬拉松式嘅測試,終於喺限期前送貨畀Terrell,Terrell亦按照當初承諾畀錢喬布斯,令佢繳清晒零件嘅帳單,而且賺咗一筆可觀嘅盈利用嚟慶祝同留作本錢。

呢部後來被命名為Apple I嘅電腦有幾個顯著嘅特點。當時大多數嘅電腦並無顯示器,但Apple I以電視作為顯示器。相比起後來嘅顯示器,Apple I嘅顯示功能只可以緩慢咁每秒顯示60字。此外,主機嘅ROM包括引導(Bootstrap)代碼,令佢更容易啟動。最後,因為Paul Terrell嘅堅持,沃茲亦設計咗一個用於裝載同儲存程式嘅卡式磁帶介面,以每秒1200位元嘅高速運行。儘管Apple I嘅設計相當簡單,但佢仍然係一個傑作,而且比其他同級嘅主機需要用嘅零件少,令沃茲嬴得設計大師嘅名譽。最終Apple I一共生產咗200部。

呢件事之後,沃茲成功設計出比Apple I更先進嘅Apple II。喬布斯想將公司擴充並向銀行貸款,但韋恩因為四年前冒險投資失敗導致嘅心理陰影而退出。當時嘅蘋果電腦缺乏資金來源。喬布斯最後遇到麥克·馬庫拉("Mike" Markkula),麥克·馬庫拉注資九萬二千美元並同喬布斯聯合簽咗25萬美元嘅銀行貸款,1977年1月,蘋果電腦公司正式註冊成為蘋果電腦有限公司。擁有資金同新設計方案在手,同年4月,Apple II 喺首屆嘅西岸電腦展覽會(West Coast Computer Fair)首次面世。

Apple II同Apple I最大嘅分別包括重新設計嘅電視介面,將顯示整合到記憶體入面,咁樣唔單止有助於顯示簡單嘅文字,重包括圖像,甚至有彩色顯示。而且有一個改良嘅外殼同埋鍵盤。Apple II喺電腦界被廣泛譽為締造家庭電腦市場嘅產品,到咗1980年代已經賣出數以百萬部。Apple II家族有好多唔同嘅型號,包括Apple IIe同IIgs,呢兩款電腦直到1990年代尾重可以喺好多學校揾到。

當蘋果喺1980年上市嘅,佢哋吸引嘅資金比1956年福特上市以後任何首次公開發行股票嘅公司(IPO)都重要多,而且比任何歷史上嘅公司創造更加多百萬富翁。

Apple III同Lisa[編輯]

喺1980年代,蘋果喺個人電腦業務遇到新興嘅競爭對手。佢哋之中份量最重嘅喺電腦業嘅「頭號人物」-IBM。IBM嘅PC型號,行DOS嘅電腦喺企業用電腦市場佔有率最高。

正當小型企業重用緊Apple II嘅時候,蘋果感到佢需要一個更新、更先進嘅型號以參與企業用電腦市場。Apple III嘅設計師被迫遵從喬布斯嘅極高同有啲不切實際嘅要求,據講喬布斯覺得散熱扇「唔雅緻」而將佢省略咗,結果導致電腦容易過熱,令最早期嘅型號要回收。另外,Apple III賣得貴,雖然1983年推出咗改善後嘅升級型,之後重減價促銷,但基本上仍然無法挽回Apple III喺市場上嘅劣勢,噉主要係因為1981年IBM推出嘅IBM PC同埋佢嘅相容機席捲個人電腦市場。

與此同時,蘋果內部各工作組日以繼夜設計兩款完全唔同嘅新款個人電腦,用咗好多先進嘅技術,例如:圖形用戶界面滑鼠物件導向程序設計同埋網絡功能。呢啲人,包括傑夫·拉斯金同埋比爾·阿特金森,鼓動喬布斯將公司焦點放喺電腦功能上。1979年12月佢哋帶喬布斯去XeroxPARC研究所,喺參觀過佢哋嘅概念機Alto之後,喬布斯決定未來將會喺圖形集中、圖標友善嘅電腦上,將呢種思想貫徹喺蘋果嘅兩個下一代電腦項目:Apple Lisa同埋Apple Macintosh上。蘋果以允許Xerox向自己投資作為條件(一百萬美元嘅預售初次發行股票,大概值18,000,000美元),換取蘋果嘅工程師進入PARC研究所做3日嘢嘅權利。而好多PARC嘅研究員同埋拉里·泰斯勒喺一班同事嘅反對聲中加入蘋果電腦工作。

Lisa喺1983年1月以9,995美元嘅身價初次露面。再一次,蘋果推出咗一款超越它所處時代嘅產品,但過高嘅價格(10,000美元)令蘋果再次失去獲得企業市場佔有率嘅機會。Lisa喺1986年被終止,餘貨被埋喺猶他州嘅垃圾堆填區。

據講,Lisa是以喬布斯個女個名來命名。對此,蘋果並未發表任何言論。

Macintosh嘅推出[編輯]

Lisa計劃喺喬布斯控制嘅發展計劃中途被取消。喬布斯立即將佢嘅注意力集中喺Macintosh計劃上,最初將佢預想為一種「廉價Lisa」。Apple Macintosh喺1984年以一個著名嘅超級盃廣告(基於佐治奧威爾嘅小說《1984》)開始投放市場,其中更宣佈「喺1月24號,蘋果電腦將推出Macintosh。你將會見到點解1984將唔會似『1984』。」。咁明顯暗示新嘅Mac同佢「容易使用」嘅GUI將電腦同埋信息從公司同埋技術統治論者嗰度解放出來。蘋果亦大量生產由蘋果僱員同埋之後嘅蘋果人蓋伊·川崎首創嘅蘋果福音傳道嘅思想。

Macintosh延續咗蘋果嘅成功,但達唔到佢最輝煌時期嘅水準。喺一次比爾·蓋茨(當時微軟總裁)參觀蘋果位於庫珀蒂諾嘅總部時,喬布斯展示咗Mac GUI嘅原型。喺之後嘅1985年,微軟發佈Microsoft Windows,佢令IBM PC擁有咗GUI。因為呢一點,好多公司開始製造IBM PC兼容機,廉價嘅PC複製品。蘋果唔畀其它公司複製Mac。雖然首個版本嘅Windows喺技術層面上唔及Mac,但佢加上一部PC複製機嘅價格就平過Mac好多,兼且冇幾耐之後喺Windows上亦同樣出現好多軟件。

近年[編輯]

iBook G4

1989年推出銷量唔理想嘅手提電腦Macintosh Portable後,一部更受歡迎嘅手提電腦PowerBook90年代初推出市面。呢次係首次同Sony聯合設計,並為現今流行嘅手提電腦設立現代嘅外形標準。佢通過後部嘅鉸鏈支撐屏幕,打開後平台嘅後半部分放置鍵盤,前方就係軌跡球(以後改為觸摸板)。呢款來自蘋果嘅產品重包括作業系統(好似ProDOSMac OS同埋A/UX)、網上產品(好似AppleTalk)同埋多媒體程序(QuickTime)。喺1994年,蘋果更新咗佢嘅Macintosh產品線,推出咗Power Mac系列。佢基於IBM摩托羅拉同埋蘋果共同開發嘅PowerPC系列處理器。呢款處理器用咗RISC(精簡指令集運算)結構,佢超越咗之前Mac所用嘅Motorola 680x0系列,而且本質上亦唔同。蘋果嘅系統軟件經過調整,可以畀大部分為舊處理器編寫嘅程序喺PowerPC系列上以模擬模式運行。

喺經過80年代同新嘅首席執行長約翰·斯卡利嘅權力鬥爭之後,喬布斯辭去蘋果職務,並創建NeXT Computer公司。此後,蘋果為咗儘力挽救公司,買晒成間NeXT同佢基於UNIX嘅系統NeXTStep,令喬布斯回歸蘋果管理層。作為新嘅首席執行長,佢做嘅第一個動作就係促成iMac嘅發展,同時挽救公司免於破產,並且令佢哋有時間開發新嘅作業系統。

2001年,蘋果推出Mac OS X,一個基於喬布斯嘅NeXTStep嘅作業系統。佢最終整合咗UNIX嘅穩定性、可靠性同埋安全性,同Macintosh界面嘅易用性,並同時以專業人士同埋消費者為目標市場。OS X嘅軟件包括模擬舊系統軟件嘅方法,令佢可以執行喺OS X以前編寫嘅軟件。通過蘋果嘅Carbon庫,喺OS X前開發嘅軟件相對容易配合同埋利用OS X嘅特色。

2002年啱啱開始,蘋果初次展示新款嘅iMac G4。佢由一個半球形嘅底座同埋一個用可轉動嘅脖子支撐嘅數字化平板顯示器組成。呢隻產品喺2004年夏天停產,喺2004年8月31號展示基於G5處理器嘅型號,並喺9月中推出市場。呢隻型號省卻底座,將CPU同成部電腦嘅硬件藏喺平板顯示器後面,只由流線型嘅鋁腳支撐。新款嘅iMac,稱為iMac G5,係世界上最薄嘅枱式電腦,大概5.1厘米(即大概2英寸)厚。

較近期嘅產品包括用無線區域網科技連接唔同牌子電腦嘅蘋果AirPort,亦包括iBook同埋G4電腦。

蘋果電腦諸如PowerBook同埋更新嘅iBookiMac,不時成為電影同埋電視劇集中嘅道具。通常英雄或好人用蘋果電腦,而惡棍同壞人就用PC兼容機。曾經,蘋果用電影《碟中諜》同埋《ID4星際終結者》中展現PowerBook功能嘅片段作為廣告競爭嘅手段。

除咗電腦產品,蘋果亦製造消費者設備。喺1990年代,蘋果發表Newton,創造咗Personal Digital Assistance一詞,係最早嘅PDA。雖然佢銷量唔理想,但成為好似Palm Pilot同埋PocketPC等產品嘅先驅。整個1990年代,微軟開始比蘋果獲得更多新電腦用戶。蘋果嘅市場佔有率十年內從20%滑落到5%。公司喺財政上努力掙扎,到1997年8月6號,微軟以1.5億美元買蘋果公司非投票股票以換取蘋果放棄控告微軟侵犯版權嘅官司同埋以後每一部Macintosh 上內置Internet Explorer(微軟後來已經賣晒自己持有嘅蘋果股票)。或者更意味深長嘅,微軟同時宣佈繼續支持佢喺Mac版本上嘅Office系列,並好快成立Macintosh軟件部。咁扭轉咗微軟之前Mac版軟件落後PC版嘅情況,兼令佢得到幾個大獎。

2000年代初推出嘅iPod數碼音樂播放器大獲成功,配合佢獨家嘅iTunes網上收費音樂下載系統,一舉擊敗Sony嘅Walkman系列成為全球佔有率第一嘅隨身音樂播放器,隨後推出嘅幾個iPod系列產品更鞏固蘋果喺商業數碼音樂市場不可動搖嘅地位。

2001年5月,蘋果宣佈開設蘋果零售店。商店兩個主要目的:1、抑止蘋果嘅市場佔有率下滑趨勢;2、改善代理商欠佳嘅行銷策略。最初,蘋果零售店淨係喺美國開店。2003年底位於東京銀座店開幕,佢亦係蘋果喺美國以外開嘅首間蘋果零售店。銀座店之後,2004年8月開幕嘅大阪店,名古屋店同埋歐洲首間嘅英國倫敦店亦相繼開幕。2006年5月蘋果喺紐約曼哈頓第五大道開設24小時營業,有近10米玻璃立方入口嘅旗艦店

而喺2005年6月6號嘅WWDC大會上,CEO喬布斯宣佈從2006年起Mac嘅產品會開始用英特爾製造嘅CPUIntel Core)。2006年4月5號,蘋果電腦推出允許採用Intel微處理器嘅Mac電腦運行微軟Windows XP嘅軟件Boot Camp。佢簡化咗喺Mac上安裝Windows嘅任務,有一步一步嘅指導,用戶重可以喺重開機器嗰時選擇用Mac OS X定係Windows。[1]

2006年8月29號,蘋果電腦公司發表聲明,Google公司首席執行官埃里克·施密特已加入蘋果公司董事會。[2]

蘋果電腦作為一間企業[編輯]

歷任行政總裁[編輯]

  • 1977年—1981年:Michael Scott
  • 1981年—1983年:Mike Markkula
  • 1983年—1993年:John Sculley
  • 1993年—1996年:Michael Spindler
  • 1996年—1997年:告阿美里阿
  • 1997年—2011年:喬布斯
  • 2011年至今:添曲

主要硬件產品[編輯]

電腦[編輯]

個人數碼產品[編輯]

其他[編輯]

主要軟件產品[編輯]

操作系統[編輯]

iLife[編輯]

iWork[編輯]

其他軟件[編輯]

專業軟件[編輯]

出面網頁[編輯]

其他[編輯]